Matius 26:74 - Taaz Weru Witu u Nunuwu'en Tombulu

⁷⁴ A si Petrus rengan i mahsalou wo mahtiwa', “Zéi'kan kata'uangku si tou itii.” In toro niitukan ang kumukuké si laka'.

Matius 26:74 Iomraidhean Croise

Matius 10:28

Ni kamu én tia' maindé' wia sé tou sé makawawa uman i munu' un awak niou, taan zéi'kan makawawa i munu' si roh niou. Taan maindé'la ni Sia si wéwéhan ung kawasa i munu' un awak wo si roh niou witi naraka.

Matius 26:34

Ang kuan ni Yesus wia ni sia, “Uli-ulit ikua-Kuma wia ni ko, im wengi kenu, puunala si laka' ing kumukuké, ni ko é nimakatelumola ing kimélong ni Aku.”

Matius 26:73

Zéi'kan uré kasii, sé tou witu rimétéla si Petrus, ang kumuama, “Tantumo ni ko kasii én esaané im wia ni séra, niitu én toro kata'uan witu um pakahnuwu'mu.”

Matius 26:75

Ang kagenangala ni Petrus u méikua ni Yesus wia ni sia, “Puunala si laka' ing kumukuké, ni ko é nimakatelumola ing kimélong ni Aku.” A sia mondola a mamamé' karia in totoz rumara un até.

Matius 27:25

Péléng sé tou itii é nimingkoté, “Éné, iwayamola un zaha'-Na i mapengalin nai wo né oki' nai.”

Markus 14:30

Ang kuan ni Yesus wia ni sia, “Uli-ulit ikua-Kuma wia ni ko, in endo kenu, im wengi kenukan, puunala si laka' kumukuké ing kazua, ni ko é nimakatelumola ing kimélong ni Aku.”

Markus 14:68

Taan si Petrus é mahkélong uman, kuana, “Zéi'kan kata'uangku wo zéi'kan katulapangku ung kalakoan un ipahkuamu.” A si Petrus mangé witi loloangan um walé ni Walian Wangko'. [In toro niitu, kumukuké si laka'].

Lukas 22:60

Taan si Petrus nimingkoté, kuana, “Ama', zéi'kan kata'uangku ung kalakoan un ipahkuamumé.” In toro niitukan, karegas ni sia i mahnuwu' ang kumukuké si laka'.

Yohanes 18:27

Si Petrus kimélong uman kasiila. In toro niitukan ang kumukuké si laka'.

Roma 9:3

Ni séra éng katuariku kawanua. Ni aku ém paaz toron un epa' wo pata'san karia ni Kristus in tumulung ni séra.

1 Korintus 16:22

Si tou zéi'kan rumaraaté si Mahpiara é makailek un epa'. Maranata, ung kalakoana, “Méyémo o Mahpiara!”

Wahyu 3:19

Sé tou ikararaaté-Ku éng kakoro'ang-Ku wo ukumeng-Ku sa séra simala'. Niitumo, ni kamu én uli-ulit mahkiitla si Opo Empung wo itula'umola a singkéla' niou.