Matius 26:69 - Taaz Weru Witu u Nunuwu'en Tombulu

⁶⁹ Karegas niitu, si Petrus é rimumez witi lésaz um walé ni Walian Wangko'. A méyé wia ni sia si ata wéwéné ang kumua, “Ni ko kasii sekezé é memali-mali karia ni Yesus, si tou Galilea itii.”

Matius 26:69 Iomraidhean Croise

Matius 21:11

A sé tou lakez itii mingkotla, “Si Kenumo si Nabi Yesus si witi Nazaret tana' Galilea a méyé.”

Matius 26:3

In toro niitu, sé tonaas né walian wo sé pahtutu'an né tou Yahudi é nimaréwok witi istana ni Walian Wangko' makangaran Kayafas.

Matius 26:58

Karegas niitu, si Petrus é mengii-ngiité si Yesus witi zou'ma makaz witi lésaz um walé ni Walian Wangko'. I ni sia nimuntepola witu u lésaz itii, ni sia é marimumez karia né menénéiz um walé ni Opo Empung i mahiilek kura u mamuali wia si Yesus.

Matius 26:70

Taan ni sia é mahkélong uman im witu u sinaru péléng né tou, kuana, “Zéi'kan kata'uangku um pahkuamumé.”

Matius 26:71

I ni sia nimangé witi pepenet tua'na, si ata wéwéné walina nimileka ni sia ang kumua wia sé tou witu, “Si tou kenu é mahkari-karia si Yesus, si tou Nazaret itii.”

Yohanes 1:46

Si Natanael kimuala wia si Filipus, “Amo kahuman im wéwéhan um wangun witi Nazaret a méyé?” A si Filipus kumuala wia ni sia, “Méyémo wo méileken!”

Yohanes 7:41

Sé walina mahkua, “Ni Siamo si Mesias.” Taan sé walina kasii é mahkua, “Zéi'kan, si Mesias én zéi'kan witi Galilea a méyé!

Yohanes 7:52

Wingkoten nérala, “Apa ni ko kangkasii én tou Galilea? Pahtata'ula um Pinantik Lenas wo makata'uannu in zéi'kan siapa si nabi witi Galilea a méyé.” [

Kisah Rasul-rasul 5:37

Tumondongla ni sia, i si Kaisar nimeréntama i mantik a ngaran né tou i mahtata'u ung kalakez né tou, in toro niitu ém wéwéhan si makangaran Yudas, si tou Galilea. Ni sia é nimaker sé tou lakez ing kumiit ni sia sumaru sé pemerénta né Romawi. Taan ing kamurian ni sia kangkasii ém winunu', an ikaserama sé mahkii-kiit ni sia.