Matius 26:64 - Taaz Weru Witu u Nunuwu'en Tombulu

⁶⁴ A si Yesus mingkotla, “Ni ko éng kimuamomé niitu, taan ikua-Kuma wia ni kamu, rengan in tarékan ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Matius 26:64 Iomraidhean Croise

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 16:28

Uli-ulit ikua-Kuma wia ni kamu: Wéwéhan sé woopira im wia ni kamu im wia'i én zéi'kampé' nimaté puunala séra i mileka si Oki' ni Tou méyé ing Kolano witi Kakolanoan-Na.”

Matius 22:44

‘Si Opo Empung é nimuwu' wia si Tuangku: Rumumezola witu ung kakan-Ku, makaz sé kakoro'-Mu iwéhé-Ku witu u léléék-Mu.’

Matius 24:30

In toro niitu, sé tou é milek a mamuali witi langit un tumuzu'mé i si Oki' ni Tou é méyémo sumaup. Péléng sé tou wia ung kaayahan é mamé' wo ni séra é milek si Oki' ni Tou si witu um wawo u ninahak witi langit karia péléng ang kawasa wo ang kawangko'an-Na.

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 26:25

Si Yudas si gimenango i mayo si Yesus éng kimuama wia si Yesus, “Zéi'kan ni aku to, Méster?” A mingkotla si Yesus wia ni sia, “Ni ko in esa si kimuamé niitu!”

Matius 27:11

A si Yesus isaru nérala wia si gubernur Pilatus. Si gubernur itii é meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Markus 14:62

A si Yesus mingkotla, “Ni Akumo Sia, wo ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Lukas 21:27

In toro niitumo péléng sé tou é mamilek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Lukas 22:69

Taan rengana in tarékan si Oki' ni Tou é marumumez witu ung kakan ni Opo Empung si Totoz Mahkawasa.”

Lukas 22:70

Tumalingamé niitu, a séra meligau, “Sa téntu, ni Komo wé si Oki' ni Opo Empung?” A si Yesus mingkotla, “Ni kamu in esa sé kimuala sa ni Akumo Sia.”

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Kisah Rasul-rasul 1:11

Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

Roma 14:10

Taan ni ko, kaa am pahwangunen né katuari esa pa'émanen ém pahtotozennu in ulit kaapa zéi'kan? Kaapa kaa ni ko memawa' sé katuari esa pa'émanen? Pahpaan ni kita péléng én isaru wia si Opo Empung in totozen am pahwangunen ulit kaapa zéi'kan.

1 Tesalonika 4:16

I méyé um perénta witi kasendukan, si tonaas né malaekat én totoz rimez i numuwu'ma wo um pontuang ni Opo Empung én zumanimé, a si Yesus Mahpiara tumumpamé im witi kasendukan wo sé tou ma'éman wia ni Sia sé nimatémo ém puuna in itou sumaup.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

Wahyu 20:11

An ilekengkuma u rurumezan ni Kolano ung kulo' wo tua'na wo ni Sia si rimumez witu. Witu u saru-sarun-Na a mazéi'ma u langit wo ung kaayahan makaz in zéi'mo pinahile-ilekla un tampana.