Matius 26:53 - Taaz Weru Witu u Nunuwu'en Tombulu

⁵³ Kaapa pahgenangen nioula i ni Aku én zéi'kan toro mahaléia wia si Ama'-Ku, wo rengan in iatu-Namé sé mapulu' wo zuana réwok suraro né malaekat i mésumawang ni Aku?

Matius 26:53 Iomraidhean Croise

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 4:11

A si Yesus itula'uma ni tonaas né sétang. An ilekena, sé malaekat niméyé i mahselewir ni Sia.

Markus 5:15

Ni séra niméyé wia si Yesus, ileken nérama si tou sinelazan né sétang makangaran Legion itii é makarumezo, kimaraio wo ung genangna ém wanguno. Kaiilekla niitu ni séra é maindé'.

Markus 5:9

Tumondong niitu si Yesus meligau wia ni sia, “Apa u ngarannu?” A sia mingkotla, “U ngaranku é Legion, pahpaan ni kai é lakez.”

Lukas 8:30

A si Yesus meligau wia si tou itii, “Apa u ngarannu?” A sia mingkoté, “U ngaranku é Legion”, pahpaan sé sétang simelaz wia ni sia é lakez.

Yohanes 10:18

Zéi'kan siapa si toro méndo ung katou-touang-Ku im wia ni Aku, taan ni Aku mayo niitu mengiit um paaz-Ku in esa. Ni Aku é mahkawasa i mayo niitu wo mahkawasa i méndo niitu sumaup. Niiamo um perénta kinailekang-Kumé wia si Ama'-Ku.”

Yohanes 18:36

Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

2 Tesalonika 1:7

Wo ni Sia é méhé ung kaenaan wia ni kamu sé mahpendan an zézéha wo kasii wia ni kai. Niitu é mamuali i si Yesus Mahpiara tumumpamé im witi kasendukan i mapailek un tou-Na karia né malaekat-Na sé mawuta-wuta ang kawasa wo karia un api melaya-layas.

Yudas 1:14

Si Henokh, si suzu kapitu ni Adam éng kimua u méikuamé ni Opo Empung tumoro ni séra, kuana, “Un ulitna, si Opo Empung é méyé karia né mariwu-riwu tou linenas-Na.