Matius 26:51 - Taaz Weru Witu u Nunuwu'en Tombulu

⁵¹ Taan si esaané im wia ni séra sé kimiité si Yesus, simawuté um pisou, am wira'ennama si ata ni Walian Wangko' makaz u luntengna é nimatengkola.

Matius 26:51 Iomraidhean Croise

Matius 26:35

Taan kuan ni Petrus wia ni Sia, “Zozo' ni aku léwo'zéi' i maté karia-Mu, ni aku én zéi'kan kumélong ni Ko.” Péléng sé pahtuzu'en ni Yesus walina kasii éng kimuala in téntu.

Markus 14:47

Si esaané im wia ni séra sé witu sé kimiité si Yesus, simawuté um pisou, am wira'ennama si ata ni Walian Wangko', makaz u luntengna é nimatengkola.

Lukas 9:55

Taan si Yesus merena wia ni séra, a séra séro'en-Nala.

Yohanes 18:36

Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

2 Korintus 10:4

Pahpaan an ipahkoro' nai i mahsaru sé kakoro' én zéi'kan wia ung kaayahan a méyé, taan an ipahkoro' nai ém wia si Opo Empung a méyé karia ung kawasa-Na, un toro kumemu an tampa totoz enté' winangun né kakoro'.