Matius 26:46 - Taaz Weru Witu u Nunuwu'en Tombulu

⁴⁶ Rumendaiomé! Méyémo kita mangémo. Si tou si mayo ni Aku é merétémomé!”

Matius 26:46 Iomraidhean Croise

Matius 26:45

Kumawusa niitu, a Sia mawurimé sumaup wia sé telu pahtuzu'en-Na ang kumua wia ni séra, “Timekel wo kimana'pé' kasii kamu? Ilekena, un orasna é méikaayomola i si Oki' ni Tou iayo wia sé tou mahsingkéla'.

Matius 26:47

I si Yesus karegaspé' mahnuwu', méyé si Yudas si esaané im wia sé mapulu' wo zua pahtuzu'en-Na, nimahwalimé karia né sana réwok tou lakez sé mahali-ali am pisou wo am wéwélwél. Ni séra é méiatumé né tonaas né walian wo né pahtutu'an né tou Yahudi.

Markus 14:42

Rumendaiomé! Méyémo kita mangémo. Ilekna, si tou mayo ni Aku é merétémomé.”

Lukas 12:50

Wéwéhampé' an zézéha totoz wutez a mapengaling-Ku. Un até-Ku én totoz zézéha sa niitu zéi'kampé' nimamualima.

Lukas 22:15

Ang kuan-Na wia ni séra, “Ni Aku én totoz paaz ing kuman mahwali-wali karia niou in endo Paskah kenu, puunala ni Aku i mazézéha.

Lukas 22:21

Taan, ilekené, si tou mayo ni Aku é memali-mali karia-Ku witu u méja kenu.

Lukas 9:51

Un oras ni Yesus im wénéten mangé witi kasendukan é lelezokan, a Sia tumotozla i mangé witi Yerusalem.

Yohanes 14:31

Taan péléng sé tou wia ung kaayahan kenu é léwo'zéi' mata'u i ni Aku é rumaraaté si Ama' wo ni Aku é mangun péléng a méiperénta-Na wia ni Aku. Rumendaiomé, méyémo kita mangémo.”

Yohanes 21:20

I si Petrus liméngéhma, ni sia nimilek i si pahtuzu'en ikararaaté ni Yesus é mahkiita ni séra, ni sia é si pahtuzu'en si rimumez witu ung kasaru ni Yesus i ni séra mahkan mahwali-wali wo kimuala, “Tuang, séi sia wé si mayo ni Ko?”

Kisah Rasul-rasul 21:13

Taan si Paulus nimingkot umané, “Kaa kamu mahamé', taka-takazan nimangun un atéku i rumara? Ni aku én zéi'kan uman paaz in apusen taan ni aku kangkasii ém paaz i maté witi Yerusalem pahpaan i mahwoka' u ngaran ni Yesus Mahpiara.”