Matius 26:45 - Taaz Weru Witu u Nunuwu'en Tombulu

⁴⁵ Kumawusa niitu, a Sia mawurimé sumaup wia sé telu pahtuzu'en-Na ang kumua wia ni séra, “Timekel wo kimana'pé' kasii kamu? Ilekena, un orasna é méikaayomola i si Oki' ni Tou iayo wia sé tou mahsingkéla'.

Matius 26:45 Iomraidhean Croise

Matius 26:18

A mingkotla si Yesus, “Mangémo witi wanua tua'na wia si tou wo ikuala wia ni sia in téntii, ‘Kuan ni Méster: Un oras-Ku én zéi'mo uré, witu un untep um walémumo ung kanenang-Ku karia né pahtuzu'eng-Ku i lumé'os um Paskah.’ ”

Matius 26:2

“Kata'uan niouo, zuana endomokan é lumé'oso un endo mahpésta pahkuan Paskah, wo si Oki' ni Tou é maiayo i salipen.”

Matius 26:44

An iwayamé ni Yesus séra im witu, a Sia mamengaléi ing katelu wo u méikua-Namé é masuat wo un taré ikua-Namé.

Matius 26:46

Rumendaiomé! Méyémo kita mangémo. Si tou si mayo ni Aku é merétémomé!”

Markus 14:35

Sia lumampanga oki' ang kumepama witu un tana' a mengaléi, sa tanu an toro ni Sia én zéi'kan mendan un oras in zézéha itii.

Lukas 22:53

Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”

Yohanes 12:23

Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en.

Yohanes 12:27

In tarékan un até-Ku én totoz rumara. Apapé' un ikua-Kuma? Apa ni Aku kumua, ‘Ama', tia'mo iwaya ni Aku mazézéha tanu niia.’ Zéi'kan. Pahpaan ni Aku i niméyé wia ung kaayahan kenu é méyé i mazéha.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 17:1

I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.