Matius 26:39 - Taaz Weru Witu u Nunuwu'en Tombulu

³⁹ A Sia lumampanga oki', kumuruzla karia in timuktuk a mengaléi, “O Ama'-Ku, sa tanu an toro, izou-zou' im wia ni Aku an zézéha kenu, taan ikiitola um paaz ni Ama', zéi'kan mengiit um paaz-Ku.”

Matius 26:39 Iomraidhean Croise

Matius 20:22

Taan kuan ni Yesus, “Um pahaléien niou én zéi'kan kata'uan niou. Makawawa wé kamu i mendan an zézéha pendaneng-Ku un tanumokan i melep witu un eelepan u léwo'zéi' in elepeng-Ku?” A séra mingkotla, “Ni kai é makawawa.”

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 26:42

A Sia mamengaléi ing kazua. Kuan-Na, “O Ama'-Ku, sa an zézéha kenu zéi'kan mamuali in izou'ma wia ni Aku, taan léwo'zéi' im pengaling-Ku, mamualimola mengiit ung kapaaz-Mu.”

Markus 13:22

Pahpaan sé mahwangu-wangun Mesias wo sé mahwangu-wangun nabi é méyé. Ni séra é mémangun a makakompo'en wo an zéi'kan kakuaan i lumulu sé tou. Wo sa toro kangkasii, sé tou pinéléngo ni Opo Empung én ipahlulu néra.

Lukas 17:16

a makumuruz ung gio nimakaz witu un tana' witu u sinaru un a'é ni Yesus a mahkua u makasé wia ni Sia. Si tou itii én tou Samaria.

Yohanes 11:41

An isoro' nérama um watu itii. A si Yesus lumoho'ma witi langit wo mahkua, “Ama', ni Aku mapaayoma u makasé wia ni Ko, pahpaan ni Ko én timalingamo ni Aku.

Yohanes 14:31

Taan péléng sé tou wia ung kaayahan kenu é léwo'zéi' mata'u i ni Aku é rumaraaté si Ama' wo ni Aku é mangun péléng a méiperénta-Na wia ni Aku. Rumendaiomé, méyémo kita mangémo.”

Yohanes 18:11

Kuan ni Yesus wia si Petrus, “Iuma'la um pisoumu itii, apa pahgenangenula ni Aku én tumingkas im wana an zézéha tinotozo ni Ama'-ku im pendaneng-Ku?”

Yohanes 5:19

A si Yesus mingkotla wia ni séra, “Uli-ulit ikua-Kuma wia ni kamu, si Oki' ni Opo Empung én zéi'kan mata'u kumura sa zéi'kan nimilek um winangun ni Ama'. Pahpaan apa um pahpaayangen ni Ama' niitu kangkasii um pahpaayangen ni Oki'.

Yohanes 5:30

Zéi'kan siapa un toro wanguneng-Ku ikiit um paaz-Ku in esa. Ni Aku i mahtotoz am pahwangunen né tou in ulit kaapa zéi'kan é mengiit an tinalinga-Ku wia si Ama'. Wo ni Aku én zéi'kan mahsanaweka i mahtotoz am pahwangunen né tou ulit kaapa zéi'kan, pahpaan ni Aku én zéi'kan mahkiit um paaz-Ku in esa taan mahkiit uman um paaz ni Ama' si nimatumé ni Aku.

Yohanes 6:38

Pahpaan ni Aku én timumpamomé im witi kasendukan zéi'kan i mangun um paaz-Ku, taan i mangun um paaz ni Opo Empung si nimatumé ni Aku.

Kisah Rasul-rasul 10:25

I si Petrus mahuuntep witu um walé, a si Kornelius mésumungkul ni sia. Ni sia éng kimuruzla witu u sinaru ni Petrus a sumigi' wia ni sia.

Filipi 2:8

Ni Sia in tou uman, méiroros-Na un tou-Na wo mahtali-talinga wia si Opo Empung makaz i nimaté, ni Sia é nimaté witi salip.

Ibrani 5:7

Si Yesus i menou-noupé' wia ung kaayahan kenu, karia i mahkérét wo pahlué'an, ni Sia mengaléi wia si Opo Empung pahpaan si Opo Empung uman si makawawa i milot ni Sia im witu um patéan. Pahpaan ni Sia mahtali-talinga si Opo Empung, um pengaléien-Na én tinalinga ni Opo Empung.

Wahyu 19:10

A ni aku kumuruzla witu u sinaru un a'é ni malaekat itii i mongkot wo sumigi' ni sia, taan kuana wia ni aku, “Tia'mo mahasar téntu! Ni aku én ata, masuat wo ni ko karia né katuarimu esa pa'émanen sé mahkua a niilek wo an tinalinga néra tumoro si Yesus. Pahongkotala wo pahsigi'ela si Opo Empung! Pahpaan sé tou mahkua a niilek wo an tinalinga néra tumoro si Yesus ém wéwéhan roh i mahkua a méikuamé ni Opo Empung.”