Matius 26:35 - Taaz Weru Witu u Nunuwu'en Tombulu

³⁵ Taan kuan ni Petrus wia ni Sia, “Zozo' ni aku léwo'zéi' i maté karia-Mu, ni aku én zéi'kan kumélong ni Ko.” Péléng sé pahtuzu'en ni Yesus walina kasii éng kimuala in téntu.

Matius 26:35 Iomraidhean Croise

Matius 10:33

Taan, séi uman si mahkélong ni Aku witu sinaru né tou, ni Aku kangkasii éng kumélong ni sia im witu u sinaru ni Ama'-Ku witi kasendukan.”

Yohanes 13:37

Ang kuan ni Petrus wia ni Sia, “Tuang, kaa ni aku zéi'kan mata'u kumiit ni Ko in tarékan? Ung katou-touangku én iayoku pahpaan ni Ko!”

Roma 11:20

Niitu én ulit téntu! Taan gena-genangen ang kenu, ni séra sé tanumokan um panga itii éng kinetora pahpaan ni séra én zéi'kan ma'éman, taan ni kamu in tou zéi'kan Yahudi toro nimaesa karia ung kai itii pahpaan i ma'éman. Niitumo, ni kamu én tia' mahlooz un tou niou, taan tawimo ni kamu i maindé'la.

1 Korintus 10:12

Niitumo, séi si mahgenangla um pa'émanenna én enté'mo, ni sia é mile-ilek én taa ikakiit uman i mahwangun a singkéla'.

Filipi 2:12

Katuari-katuari ikararaatéku, ni kamu sekezé é mahtali-talinga wia si Opo Empung. Pahwangunela niitu zéi'kan uman i ni aku mahwali-wali karia niou taan kasii i ni aku zéi'kan mahwali-wali karia niou. Ung katou-touan niou ém wangunela tanu ung katou-touan né tou sé méipiloto ni Opo Empung im witu un ukuman wana a singkéla'. Pahwangunela niitu karia i mahtali-talinga wo mahsigi' si Opo Empung.

1 Petrus 1:17

Pahtawahen niou si Opo Empung in Ama', ni Sia si zéi'kan mahtémbo-témbo i mahtotoz ulit kaapa zéi'kan mengiit am pinahwanguné né tou. Niitumo, ni kamu sé limepuh umané wia ung kaayahan kenu é léwo'zéi' mahsigi' ni Sia.