Matius 26:3 - Taaz Weru Witu u Nunuwu'en Tombulu

³ In toro niitu, sé tonaas né walian wo sé pahtutu'an né tou Yahudi é nimaréwok witi istana ni Walian Wangko' makangaran Kayafas.

Matius 26:3 Iomraidhean Croise

Matius 26:69

Karegas niitu, si Petrus é rimumez witi lésaz um walé ni Walian Wangko'. A méyé wia ni sia si ata wéwéné ang kumua, “Ni ko kasii sekezé é memali-mali karia ni Yesus, si tou Galilea itii.”

Matius 27:27

Tumondong niitu, si Yesus méipahwalima né suraro ni Pilatus witi istana ni gubernur, an tawahen néramé péléng sé kasuraro néra i maréwoké witu u makaliklik ni Yesus.

Markus 14:54

Karegas niitu, si Petrus é mahkiité si Yesus witi zou'ma, mémakaz witu u lésaz um walé ni Walian Wangko'. Im witu ni sia é rimumez kimaria sé menénéiz um walé ni Opo Empung witu i merarang.

Markus 14:66

In toro niitu, si Petrus ém witipé' wawa' witi lésaz um walé ni Walian Wangko', a méyé wia ni sia si ata wéwéné ni Walian Wangko'.

Markus 15:16

Tumondong niitu, a si Yesus ipahwalima né suraro witi lésaz u istana ni gubernur Pilatus. An tawahené péléng sé kasuraro néra i maréwoké witu.

Lukas 22:55

Witu un unez u lésaz um walé ni Walian Wangko' itii sé tou zimiketla a séra rumimbungla makaliklik un api. Si Petrus kangkasii é rimumez kimaria ni séra.

Lukas 3:2

In toro niitu, si Hanas wo si Kayafas nimaéndo Walian Wangko' né tou Yahudi, a si Opo Empung numuwu'ma wia si Yohanes si oki' ni Zakharia witi kapelasan.

Yohanes 11:57

Karegas niitu sé tonaas né walian wo sé sana réwok tou Farisi é nimeréntamoma sa wéwéhan si tou mata'u wisa Sia én ikuamé, wo Sia toro tionan néra.

Yohanes 18:24

An iatuma ni Hanas sé tou i mahwalima si Yesus si niapus, mangé wia si Kayafas si Walian Wangko' itii.

Yohanes 18:28

Tumondong niitu, ipahwali nérama si Yesus im witi walé ni Kayafas a mangé witi istana ni gubernur Romawi. In toro niitu ém woondopé' lé'os. Sé tou Yahudi én zéi'kan nimuntepa witi istana itii, pahpaan sa kiit ung kinanaram né tou Yahudi, un tou néra é makati'tiren sa mahkari-karia wo sé tou zéi'kan Yahudi wo zéi'mo mata'u kuman im Paskah. In toro niitu ni séra é mamokuman witu um pésta Paskah.