Matius 26:14 - Taaz Weru Witu u Nunuwu'en Tombulu

¹⁴ A si esaané im wia sé mapulu' wo zua pahtuzu'en ni Yesus si makangaran Yudas Iskariot, mangé wia sé tonaas né walian.

Matius 26:14 Iomraidhean Croise

Matius 10:4

si Simon si wia sé sana réwok tou Zelot wo si Yudas Iskariot si ing kamurian nimangkér si Yesus.

Matius 26:25

Si Yudas si gimenango i mayo si Yesus éng kimuama wia si Yesus, “Zéi'kan ni aku to, Méster?” A mingkotla si Yesus wia ni sia, “Ni ko in esa si kimuamé niitu!”

Matius 26:47

I si Yesus karegaspé' mahnuwu', méyé si Yudas si esaané im wia sé mapulu' wo zua pahtuzu'en-Na, nimahwalimé karia né sana réwok tou lakez sé mahali-ali am pisou wo am wéwélwél. Ni séra é méiatumé né tonaas né walian wo né pahtutu'an né tou Yahudi.

Matius 27:3

I si Yudas, si nimayo si Yesus nimilekla si Yesus én tinotozola ukumen i maté, ni sia é mene'sel. An iwurinama sumaup un zoit teluna pulu' péra' wia sé tonaas né walian wo sé pahtutu'an né tou Yahudi.

Yohanes 12:4

Taan si Yudas Iskariot, si esaané im wia sé pahtuzu'en ni Yesus, si mamangkér si Yesus, mahkua,

Yohanes 13:2

I si Yesus wo sé pahtuzu'en-Na mahkan mahwali-wali, si tonaas né sétang éng kimewitoma ung genang léwo' witu un até ni Yudas Iskariot, si oki' ni Simon, i mangkér ni Sia wia sé kakoro'-Na.

Yohanes 13:26

A si Yesus mingkotla, “Si tou itii é si tou wéhang-Ku u roti méisousou-Kumo.” Makakuala niitu a Sia sumousoua u roti itii an iwéhé-Nama wia si Yudas, si oki' ni Simon Iskariot.

Yohanes 13:30

I nimakailekomé u roti itii a si Yudas mangé. In toro niitu ém wengimo.

Yohanes 18:2

Si Yudas si nimangkér si Yesus wia sé kakoro'-Na é mata'u kangkasii un tampa itii pahpaan sekezé si Yesus wo sé pahtuzu'en-Na é meréwo-réwok witu.

Kisah Rasul-rasul 1:16

“Katuari-katuari, a méikua ni Roh Lenas mengiité si Daud witu um Pinantik Lenas tumoro si Yudas si nimahwalimé sé tou in timion si Yesus é léwo'zéi' mamuali.

Kisah Rasul-rasul 1:18

Si Yudas kenumo si timelesla un tana' karia un zoit méiwaéré i nimangkér si Yesus. Im witu un tana' itiimo ni sia méikazemak wo um pootna nimaweka makaz péléng am witu un untepna é méikaondol.