Matius 26:10 - Taaz Weru Witu u Nunuwu'en Tombulu

¹⁰ Taan kata'uan ni Yesus am pegena-genangen néra, ang kuan-Na, “Kaa si wéwéné kenu pahsususan niou? Ni sia é nimangunola um wangun wia ni Aku.

Matius 26:10 Iomraidhean Croise

Matius 26:11

Pahpaan sé tou zéi'kan siapa apa sekezé ém witu u liklik niou, taan ni Aku zéi'kan sekezé é memali-mali karia niou.

Matius 26:9

Pahpaan u lana itii én toro iwangkér mahal wo un zoitna én toro iwéhéma wia sé tou zéi'kan siapa apa.”

Markus 14:6

Taan kuan ni Yesus wia ni séra, “Iwayamola sia. Kaa sia pahsususan niou? Ni sia é nimangunola um wangun im wia ni Aku.

Lukas 8:49

Karegas si Yesus i mahnuwu', méyé si tou si witi walé ni Yairus i mékumua wia si Yairus, “Si kooki'mu é nimatémo, niitumo ni ko én tia'mo mahraung si Méster!”

2 Korintus 9:8

Si Opo Empung makawawa i méhé péléng ang kamang tatambér-Na wo sekezé péléng am pemandungen niou ém pakawutulen. Lumousé niitu, am wia ni kamu é malake-lakez i mangun a lé'os wia sé tou walina.

Galatia 1:7

Un ulitna, u nuwu' lé'os walina tumoro si Yesus itii én zéi'kan ulit Nuwu' Lé'os tumoro si Yesus. Wéwéhan uman sé tou mahlilinganga ni kamu wo sé mahsasawel u Nuwu' Lé'os tumoro si Yesus Kristus karia u nuwu' lé'os tumoro si Yesus un zéi'kan ulit.

Galatia 5:12

Sé tou mahkayo' ni kamu karia an tutuzu' im pahsunaten, tawimo pakaketoren néramola in esa u makaizangen néra!

Galatia 6:17

Rengan in tarékan, tia' wo wéwéhampé' si tou mahsususa ni aku, pahpaan im witu un awakku ém wéwéhan am walulang i ni aku pinahzézéhamé, un tumuzu'mé i ni aku én anu ni Yesus.

Efesus 2:10

Pahpaan ni kita ém winangun ni Opo Empung mengiité si Kristus Yesus, i maayang am wangun a niimeko ni Opo Empung im puuna, wo kita toro menou-nou karia i memangu-mangun a lé'os.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

2 Tesalonika 2:17

menté' un até niou wo mangun ni kamu makawawa im wana péléng am paayangen wo wana a nunuwu'en wangun.

1 Timutius 3:1

Totoz ulit ung kukuan kenu, “Si tou paaz maéndo tonaas né jamaat, ni sia é megena-genang um paayangen totoz wangun.”

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

2 Timutius 2:21

Sa si tou uli-ulit meresi un touna im wana a léwo', ni sia é maéndo tanu um pakakas mas am wangunen u mapaileké ung kawa'ilanan. Ni sia é linenaso, wangun im pahpakén ni tuangna wo pahpakén uman wana am paayangen wangun.

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Titus 3:1

Titus, ipapagenangmula wia sé jamaat wo séra mahsigi-sigi' wia sé pemerénta wo sé mahkawasa. Ni séra kasii é léwo'zéi' i mahtali-talinga wo paaz i maayang péléng am papaayangen wangun.

Titus 3:14

Wo sé touta kangkasii é léwo'zéi' mahtata'ula i mahpaayang am paayangen wangun i mahwuwutul am pemandungen néra i mendo-endo, wo ung katou-touan néra ém wéwéhan un torona.

Titus 3:8

Péléng a méikuakuma kenu én ulit wo kapaazku péléng niitu én uli-ulit ikuala, wo sé tou ma'émano wia si Opo Empung én uli-ulit mahtututu' i mahpaayang am paayangen wangun. Nianamo a lé'os wo wéwéhan torona wia sé tou.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

1 Petrus 2:12

Wangu-wangunen ung katou-touan niou im witu u saru-sarun né tou zéi'kan mata'u si Opo Empung, wo zozo' ni kamu ém pahkuan né tou itii in tou léwo', taan witu un endo si Opo Empung i méyé, ni séra é malumooz wo sumigi' ni Sia, pahpaan ni séra é mahilek am pahwangunen niou an totoz wangun.