Matius 24:9 - Taaz Weru Witu u Nunuwu'en Tombulu

⁹ In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku.

Matius 24:9 Iomraidhean Croise

Matius 22:6

Wo sé walina én timion uman taréla sé ata itii, an zézéhan, a munu'la ni séra.

Matius 23:34

Niitumo, ilekena! Ni Aku nimatumomé wia ni kamu sé nabi, sé tou lintas wo sé tou tulap un Torat. Sé woopira im wia ni séra ém wunu'en niou wo salipen niou, wo sé walina kasii é saluken niou wana am walé peraragésan niou in tou Yahudi wo pahkikiiten niou im witu um wanua tua'na esa makaz wana am wanua tua'na walina in zézéhan.

Lukas 11:49

Niitumo, totoz tulap si Opo Empung ing kimua, ‘Iatu-Ku sé nabi wo sé aatu-Ku i mangé wia sé tou Israel. Taan im wia sé nabi wo wia sé aatu-Ku, wéwéhan sé mazézéhan néra wo wéwéhan sé winunu' néra.’

Lukas 21:12

Taan puunala niana péléng i mamuali, ni kamu én tionan wo pahzézéhan. Ni kamu én iayo wana am walé peraragésan né tou Yahudi, iuntep wana am bui wo maisaru wia sé kolano wo sé mahkawasa pahpaan mahkiit ni Aku.

Yohanes 15:18

A si Yesus kumua kasii, “Sa sé tou wia ung kaayahan é mazi'zis ni kamu, genangenola i sé tou itii é nimazi'zisola ni Aku puunala ni séra mazi'zis ni kamu.

Yohanes 15:21

Taan péléng niitu ém wangunen néra wia ni kamu pahpaan ni kamu ma'éman ni Aku, pahpaan ni séra én zéi'kan mata'u ni Sia si nimatumé ni Aku.

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Kisah Rasul-rasul 28:22

Taan ni kai ém paaz in tumalinga kura ung ginenangmu tumoro um pa'émanen um pahkiitennu. Pahpaan ni kai én timalingamola i sé tou wisa uman ni séra é mahsaru um pa'émanen um pahkiitennu itii.”

Kisah Rasul-rasul 7:59

Karegas si Stefanus im pahweriten néra, ni sia mengaléi, “O Yesus, Mahpiaraku, sungkulené si rohku.”

1 Petrus 4:16

Taan sa ni kamu nimazézéha pahpaan ni kamu én tou Sarani, ni kamu én tia'mo maizang. Tawimo ni kamu i lumoozla wo sumigi'la si Opo Empung pahpaan ni kamu é mahkiito si Kristus.

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 2:13

Kata'uang-Ku um pahwéha-wéhan niou. Ni kamu é mahento' witu un tampa kinawasaan ni tonaas né sétang. Taan zozo' in téntu, ni kamu én zéi'kan mazéi' i ma'éman wia ni Aku, wo ni kamu kangkasii én zéi'kan mahkélong i ma'éman ni Aku. Téntu kangkasii, ni kamu én zéi'kan mazéi' i ma'éman, im witu un endo si Antipas si mengungua a niilek wo tinalingana tumoro ni Aku, si totoz ma'éman ni Aku, im winunu' witu u saru-sarun niou witu un tampa kinawasaan ni tonaas né sétang.

Wahyu 7:14

Am wingkotengkula, “Zéi'kan ndo'tuu kata'uangku tuang, ni ko in esa si mata'u ni séra.” Ang kuana wia ni aku, “Ni séramo sé limangkoiomé wana an zézéha zéi'mo kakuaan. Wo karia un zaha' ni Anak ni Domba, ni séra kimemesoma ung karai tonton néra makaz nimakulo'.