Matius 24:7 - Taaz Weru Witu u Nunuwu'en Tombulu

⁷ Pahpaan sé tahsasana wanua é makumoro' wo sé tahsasana wanua walina wo ung kakolanoan esa é makumoro' wo ung kakolanoan walina. Ung kaahreman wo an éhzo' é mamuali wana a lakez tampa.

Matius 24:7 Iomraidhean Croise

Lukas 21:11

Un éhzo' totoz repet wo a saki melaput karia ang kaahreman é mamuali wana lakez tampa. Wo witi langit é mamuali a makaindé'en wo an zéi'kan kakuaan.

Kisah Rasul-rasul 11:28

Si esaané im wia ni séra é makangaran Agabus. I sé tou nimaréwok, si Agabus si kinawasa ni Roh rumendaié ang kumuama, “Un oras ung kaahreman zéi'kan kakuaan é méyé wia ang kaayahan.” Ung kaahreman itii é nimamuali i si Klaudius si Kaisar.

Kisah Rasul-rasul 2:19

Ni Aku é mangun a makakompo'en witi langit wo an zéi'kan kakuaan wia ung kaayahan: wéwéhan an zaha', an api wo an teremuz zemdem an tanumokan ninahak.

Ibrani 12:27

Ung kukuan “Makasapé',” ung kalakoana péléng am winangun ni Opo Empung wia ung kaayahan én iéhzo' wo kemun, taan an zéi'kan nyéhzo' én ikatula'u.

Wahyu 6:12

An ilekengku kasiima si Anak ni Domba itii i nimukama u segel kaenem. A méhzo'mé totoz repet wo si endo é nimazemdem tanu u roko' zemdem wo si loloho'en é nimarangdang tanumokan un zaha'.

Wahyu 6:5

I si Anak ni Domba itii mukama u segel katelu, talingangkumé si tumou-tou katelu kimuamé, “Méyémo!” Ilekengkuma si kawalo zemdem wo si tou simaké wia si kawalo itii én timion un timbangan.

Wahyu 6:6

An talingangkumé im witu un unez né epat tumou-tou éng kana' i mahkuamé, “Sa ung gandum sana liter um wawaérna én esa dinar. Un teluna liter jelai , um wawaérna kasii én esa dinar. Wo tia' mahléwo' ang kai zaitun am wua'na pahwangunen lana, téntu kangkasii an tinanem pahwangunen anggor pahelepen.”

Wahyu 6:8

An ilekengkuma si kawalo kilo. Si kawalo itii é sinakéan ni tou makangaran Patéan, wo um pahwéha-wéhan né nimatémo é mahkiité witu murina. Wia ni séra ém winéhan ung kawasa i munu' sé sana pahepat né tou wia ung kaayahan karia um pisou, karia ung kaahreman, a saki melaput wo seza'en né meneza' tou.