Matius 24:6 - Taaz Weru Witu u Nunuwu'en Tombulu

⁶ Ni kamu én tumalinga im wéwéhan sé mahkoro' kaapa a sirita tumoro sé mahkoro'. Taan, tuméga-tégam wo tia'mo maarét, pahpaan péléng niana é léwo'zéi' i mamuali, taan niitu én zéi'kampé' un orasna ung kaakazan ung kaayahan.

Matius 24:6 Iomraidhean Croise

Matius 2:3

Si kolano Herodes wo sé tou witi Yerusalem é mengompo' in timalingamé niitu.

Matius 24:14

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Matius 26:54

Taan sa téntu, kurapé' kahuman i malekep u méipantik witu um Pinantik Lenas, ung kimua sa a mahmuali in tarékan é léwo'zéi' i mamuali?”

Lukas 21:19

Sa ni kamu ezen, ni kamu é makailek ung katou-touan makaz ing kauré-uré.”

Lukas 21:9

Sa kamu tumalingamé sé mahkoro' wo sé mahsaru sé tonaas, ni kamu én tia'mo maindé'. Pahpaan péléng niana é léwo'zéi' i mamuali puunala, taan zéi'kan niitu un tumuzu'mé i rétémo un orasna ung kaakazan ung kaayahan.”

Lukas 22:37

Ikua-Kuma wia ni kamu, u mémoipantik witu um Pinantik Lenas tumoro ni Aku én totoz malekepen: Ni Sia é mairékén karia né tou léwo'. Pahpaan a mémoipantik tumoro ni Aku é mahmualimo.”

Yohanes 14:1

Kuan ni Yesus wia sé pahtuzu'en-Na, “Tia'mo un até niou nimasusa, ma'émanola wia si Opo Empung wo ma'éman kasiila wia ni Aku.

Yohanes 14:27

Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

2 Tesalonika 2:2

Tia' kamu rewek malinganga wo paharétan in tumalingala sé tou i mahkua un endo si Yesus i méyé sumaup é méikaayomola, zozo' u nuwu' itii ém woo méipapata'umé ni Roh Lenas, kaapa niitu én tutuzu' uman, kaapa wéwéhan sé mahkua niitu é méipantik witu un esaané im wana am pinantik nai.

Wahyu 6:4

A mondol kasiimé si kawalo esa walina. Si kawalo itii é rangdang tanumokan u layasna un api. Si simaké wia si kawalo itii ém winéhan ung kawasa i maméndo u mahlé'o-lé'osan né tou wia ung kaayahan, makaz sé tou mahwuwunu'an, wo ni sia kangkasii ém winéhan um pisou tua'na.