Matius 24:51 - Taaz Weru Witu u Nunuwu'en Tombulu

⁵¹ si ata itii ém wunu'en ni tuangna wo mangun ni sia maasar sé tou mahgau-gau lé'os. Im wana sé tou é mamé' makaz am waang éng karékétokan.”

Matius 24:51 Iomraidhean Croise

Matius 22:13

Ang kuan ni kolano itii wia sé atana: Apusela un a'é wo u lengenna wo sia ilombo'ma witu ung karimbengbengan totoz rimbengbeng, im wana ém wéwéhan sé mahamé' makaz am waang néra éng karékétokan.

Matius 24:50

Taan, i si tuangna itii mawurimé witu un endo zéi'kan pahgenangennala wo witu un oras zéi'kan kata'uanna,

Matius 25:30

Wo si ata zéi'kan siapa torona itii, ilombo'moma sia witu ung karimbengbengan totoz rimbengbeng. Im witu ém wéwéhan an amé' makaz am waang éng karékétokan.”

Matius 8:12

Taan sé tou Yahudi sé im puuna nimaéndo tou witi Kakolanoan ni Opo Empung én ilombo' witu ung karimbengbengan zéi'mo kakuaan. Im witu ni séra é mamé' makaz am waang néra éng karékétokan.”

Lukas 12:46

Taan, i si tuangna itii mawurimé witu un endo zéi'kan pahgenangennala wo witu un oras zéi'kan kata'uanna, si ata itii én ukumen makaz maté. Ni sia én ukumen tanu sé tou zéi'kan mahkii-kiit si Opo Empung.

Lukas 13:28

In toro niitu, ni kamu é mamé' wo am waang éng karékétokan, pahpaan ni kamu mahilek si Abraham, si Ishak, si Yakub wo péléng sé nabi witi Kakolanoan ni Opo Empung, taan ni kamu é méiwoho umané, zéi'kan toro muntep.