Matius 24:25 - Taaz Weru Witu u Nunuwu'en Tombulu

²⁵ Gena-genangen! Niitu é mémoikua-Ku wia ni kamu puunala niitu i mamuali.

Matius 24:25 Iomraidhean Croise

Matius 10:16

“Gena-genangen! Ni kamu é méiatu-Ku tanu si domba witu un unez né serigala. Niitumo, ni kamu é léwo'zéi' i siga' tanu si ulé' wo lé'os tanu si bombo.

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 24:26

Niitumo, sa wéwéhan tou kumuala wia ni kamu in téntii, ‘Amoké ilekena, ni Sia ém witi kapelasan!’ Tia'mo ni kamu mahaangé witu. Kaapa sa wéwéhan kumuala wia ni kamu, ‘Amoké ilekena, ni Sia ém witu un untep um walé!’ Niitu én tia'mo pa'émanen niou.

Lukas 21:13

In toro niitumo un oras niou ing kumua an niilek niou tumoro ni Aku.

Yohanes 16:1

Si Yesus mahkua, “Péléng niia én ikua-Kuma wia ni kamu, wo ni kamu zéi'kan mazéi' i ma'éman wia ni Aku.

2 Korintus 13:2

Pahpaan ing kazua ni aku i niméyéma wia ni kamu, niitu é mémoipapagenangkuma wia sé tou memua-muali a singkéla' wo wia péléng sé tou walina. In tarékan ni aku in zou'mé im wia ni kamu, ipapagenangkuma sumaup wia sé tou memua-muali a singkéla' wo wia péléng sé tou walina. Téntii un ikuakuma, i ni aku méyé sumaup ni séra én totoz ukumengku.