Matius 23:9 - Taaz Weru Witu u Nunuwu'en Tombulu

⁹ Tia' kamu mahtawah si séi uman in ‘ama'’ im wia ung kaayahan, pahpaan si Ama' niou én esa uman, ni Siamo si Ama' witi kasendukan.

Matius 23:9 Iomraidhean Croise

Matius 23:10

Tia' kamu pahkuan in ‘tonaas’, pahpaan si Tonaas niou én esa uman, ni Siamo si Mesias.

Matius 6:32

Péléng niana ém penéro-néron né tou sé zéi'kan mata'u si Opo Empung. Taan si Ama' niou si witi kasendukan é mata'u, i ni kamu é memandung niana péléng.

Matius 7:11

Niitumo, sa kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé am wangun wia sé tou mahaléi wia ni Sia.

Kisah Rasul-rasul 22:1

“Sé ama' wo katuari-katuari, talingana, wéwéhan un ipahkukuaku wia ni kamu in tarékan i mahkekelung un touku.”

1 Korintus 4:15

Pahpaan ni aku si nimaéndo ama' niou, zozo' sé nimahtuzu' ni kamu tumoro si Kristus ém woo mariwu-riwu tou. Ni aku si nimaéndo ama' im witu ung katou-touan niou i mahkiit si Kristus Yesus, pahpaan ni aku si nimahalimé wia ni kamu u Nuwu' Lé'os tumoro si Kristus.

2 Korintus 6:18

Wo ni Aku é maéndo Ama' niou, ni kamu é maéndo koki'-Ku tuama wo koki'-Ku wéwéné. Niitu u Nuwu' ni Mahpiara, ni Sia si kimawasa péléng am péléng.”

Ibrani 12:9

Si ama'ta im wia ung kaayahan é mahkakoro' wia ni kita, niitumo ni sia pahsigi'enta. Apapé' kasii si Ama'ta si witi kasendukan si mahenté' um pa'émanenta, tantumo ni kita é lumouspé'mé i mahtali-talinga wia ni Sia wo kita toro makailek ung katou-touan.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.