Matius 23:39 - Taaz Weru Witu u Nunuwu'en Tombulu

³⁹ Ikua-Kuma wia ni kamu: Rengana in tarékan ni Aku én zéi'mo pahile-ileken nioula, makaz ni kamu mahkua, ‘Loozela Sia, si niméyé karia u ngaran ni Opo Empung!’ ”

Matius 23:39 Iomraidhean Croise

Matius 21:9

Sé tou lakez mahlampang mahpuuna wo sé mahmurimé wia si Yesus é mahkérét, “Hosana wia si suzu ni Daud! Loozela Sia si niméyé karia u ngaran ni Opo Empung! Hosana witi tampa totoz rakék!”

Lukas 17:22

Ang kuan-Na wia sé pahtuzu'en-Na, “Un orasna é méyé, i ni kamu lumelo milek u sana endo wana an endo ni Oki' ni Tou, taan ni kamu én zéi'kan mamilek un endo itii.

Yohanes 14:19

Zéi'mo mauréma sé tou wia ung kaayahan kenu én zéi'mo milek ni Aku. Taan ni kamu é mamilek ni Aku, pahpaan ni Aku é menou-nou wo ni kamu kangkasii é mamenou-nou.

Yohanes 14:9

Kuan ni Yesus wia ni sia, “Filipus, urémo ni Aku i memali-mali karia niou, kura kahuman ni ko zéi'kan mata'u ni Aku? Séi uman si nimileko ni Aku, ni sia é nimileko si Ama'. Kura kahuman ni ko mahkua, ituzu'mé si Ama' itii wia ni kai?

Yohanes 8:21

A si Yesus kumua kasiila wia sé tou lakez, “Ni Aku é mangé tumula'uma ni kamu wo ni kamu é mamenéro ni Aku, taan ni kamu é maté karia a singkéla' niou. Ni kamu én zéi'kan mamuali i méyé witi tampa angéang-Ku.”

Yohanes 8:24

Pahpaano niitu ing kataré ni Aku éng kimuama wia ni kamu i ni kamu é maté karia a singkéla' niou. Pahpaan sa ni kamu zéi'kan ma'éman i ni Akumo ni Sia si méipahkua-Kumola, ni kamu é maté karia a singkéla' niou.”

Yohanes 8:56

Si Abraham si nimaopo niou én totoz mahpaa-paaz i ni sia mamilek un endo i ni Aku méyé. Ni sia é nimileko ni Aku i niméyé wo ni sia én totoz mahpaa-paaz.”

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.