Matius 23:3 - Taaz Weru Witu u Nunuwu'en Tombulu

³ Niitumo, pahkiitela wo pahwangunela péléng am pahtuzu' néra. Taan tia' mahkii-kiit am pahmualin néra. Pahpaan an ipahtuzu' néra wia ni kamu én zéi'kan pahmualin néra.

Matius 23:3 Iomraidhean Croise

Matius 21:30

A mangé kasii si ama' wia si oki'na kazua, ang kumuala tanu u méikuanala ing kataré. A si oki' kazua itii mingkotla, ‘Éné ama'.’ Taan ni sia zéi'kan nimangé.

Matius 23:2

“Sé tou tulap un Torat wo sé sana réwok tou Farisi é mahtuzu' an tinotoz witu un ukum Torat wia sé tou tanumokan i rimumez witu u rurumezan ni Musa.

Matius 23:4

Ni séra nimangunla an tinotoz an totoz lakez an zéi'kan makawawa im wangunen. Tanumokan i niméhéla am pengalin totoz wutez wia sé tou, taan ni séra in esa é soo sumawang sé tou i mangun an tinotoz néra itii.

Kisah Rasul-rasul 5:29

A mingkotla si Petrus wo sé aatu walina, “Ni kita é léwo'zéi' mahtali-talinga wia si Opo Empung, zéi'kan wia si tou.

Roma 13:1

Péléng sé tou é léwo'zéi' i mahtali-talingala wia sé pemerénta, pahpaan zéi'kan siapa pemerénta sé zéi'kan wia si Opo Empung a méyé wo péléng sé pemerénta én tinotoz ni Opo Empung.

2 Timutius 3:5

Ni séra ém pahileken i mahragés wia si Opo Empung taan un ulitna ni séra é mahkélong ung kawasa ni Opo Empung itii. Ma'katla im wia sé tou itii!

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.