Matius 23:27 - Taaz Weru Witu u Nunuwu'en Tombulu

²⁷ Ikaléwo'la ni kamu sé tou tulap un Torat wo ni kamu sé sana réwok tou Farisi, é kamu sé tou mahgau-gau lé'os. Pahpaan ni kamu én tanu u lelewengan kinulo'. Um wawona ém pahileken wangun, taan am witu un untepna é mawuta-wuta an zuhi wo am wuul.

Matius 23:27 Iomraidhean Croise

Matius 23:28

Téntu kangkasii ni kamu, pahileken né tou ni kamu é mahwangun an ulit, taan im witu un até, ni kamu é mawuta-wuta an zéi'kan ulit wo a léwo'an.

Lukas 11:44

Ikaléwo'mo ni kamu! Pahpaan ni kamu én tanu a lelewengan zéi'kan tinandaan, sé tou memuri-muri witu én zéi'kan mata'u sa niitu é lelewengan.”

Kisah Rasul-rasul 23:3

Kaisepal nérama a si Paulus kumuama wia si Ananias, “É ko tou mahgau-gau lé'os! Si Opo Empung é sumepal ni ko! Ni ko rimumez witu in tumotoz ulit kaapa zéi'kan am pahwangunengku mengiit un ukum Torat, taan ni ko in esa é simala'mola im witu un ukum Torat i nimeréntama sé tou i sumepal ni aku.”

Galatia 6:12

Sé tou Yahudi sé paaz mapahlolooz un tou néra wana an toro pahileken né tou, ni séramo sé mahtututu' mahlusu ni kamu i sunaten. Ung kalakoan néra i nimangun niitu, wo séra zéi'kan makailek an zézéha i ma'éman si Kristus nimaté sinalip.