Matius 23:26 - Taaz Weru Witu u Nunuwu'en Tombulu

²⁶ É kamu sé sana réwok tou Farisi sé letok! Weresimpé'la un untepna am pengengelepan niou, karia in téntu u liklikna am pengengelepan niou kangkasii é maweresi.

Matius 23:26 Iomraidhean Croise

Matius 12:33

“Sa ung kai ém wangun, tantumo um wua'na kangkasii ém wangun. Taan sa ung kai én zéi'kan wangun, tantumo um wua'na kangkasii én zéi'kan wangun. Ung kai wangun kaapa zéi'kan én toro uman kata'uan witu um wua'na.

Matius 14:8

Pahpaan niakerla ni ina'na a sia kumuala wia si Herodes, “Iwéhémé wia ni aku un ulu ni Yohanes Menanarani méizeta' witu um wawo um baki!”

Markus 7:4

Téntu kangkasii sa séra mawurimé im witi pasar, ni séra én zéi'kampé' kuman sa zéi'kampé' limelé' mengiit ung kinanaram néra. Lakezpé' kasii ang kinanaram walina a méituzu' né nimaopo néra am pahkiiten néra, tanu a mahwo'as am pengengelepan, an tampayang wo am pakakas tambaga am wangunen.

Lukas 11:39

Taan kuan ni Tuang wia ni sia, “Ni kamu i sana réwok tou Farisi é mahweresi u liklikna am pengengelepan wo ang kakanan niou, taan um witu un untep un até niou ém wuta a léwo'an wo an zéi'kan wangun.

Lukas 6:45

Si tou lé'os é mahnuwu'mé am wangun a mahondolé witu un aténa u mawuta-wuta am wangun. Wo si tou léwo' é mahnuwu'mé a léwo'an a mahondolé witu un aténa u mawuta-wuta a léwo'an. Pahpaan am pahnuwu'ennu é mahondolé witu un atému.”

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Ibrani 10:22

Niitumo, méyémo kita rumété si Opo Empung karia ung genang lé'os wo uli-ulit ma'éman uman wia ni Sia. Pahpaan tanumokan im pinikpikana un zaha' in zuméi' a singkéla', a léwo'an witu un atéta ém wineresimoma ni Yesus wo un awakta én tanu wino'asano karia un zano totoz weresi wo kita toro rumété wia si Opo Empung.

Yakobus 4:8

Rumétéla wia si Opo Empung, ni Sia kangkasii é rumété wia ni kamu. Weresila u lengen niou, é kamu in tou mahsingkéla', wo weresila un até niou, é kamu sé mahzua-zua genang!