Matius 23:16 - Taaz Weru Witu u Nunuwu'en Tombulu

¹⁶ Ikaléwo'la ni kamu sé tonaas letok. Pahpaan ni kamu é mahtuzu' sé tou walina in téntii, ‘Sa si tou mahtiwa' karia um Walé ni Opo Empung, un tiwa' itii én zéi'kan matumoro si tou itii. Taan sa mahtiwa' karia u mas witu um Walé ni Opo Empung, un tiwa' itii é matumoro ni sia.’

Matius 23:16 Iomraidhean Croise

Matius 15:14

Iwayamola sé sana réwok tou Farisi itii. Ni séra é masuat wo si tou letok mengahkit si tou letok. Sa si tou letok mengahkit si tou letok, ni séra zua én ikatahu' witu um woso.”

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 23:17

É kamu sé tou lemou wo letok. Wisa un ipahpuu-puuna, u mas kaapa um Walé ni Opo Empung u limenas u mas itii?

Matius 23:19

É kamu sé tou letok, wisa un ipahpuu-puuna, u raragés kaapa um pahtunuan a raragés u limenas a raragés itii?

Matius 23:24

É kamu sé tonaas letok. Si rongit witu um pahelepen niou én ipahtia' niou, taan si onta ém pahno'noten niou umana.

Matius 23:26

É kamu sé sana réwok tou Farisi sé letok! Weresimpé'la un untepna am pengengelepan niou, karia in téntu u liklikna am pengengelepan niou kangkasii é maweresi.

Galatia 5:3

Ikuakupé'ma sumaup wia séi uman si niméhé un touna i sunaten, ni sia é léwo'zéi' i mahwangun péléng un ukum Torat.

Yakobus 5:12

Katuari-katuari, un totoz wéhan nioula genang én tia' kamu mahtiwa' karia u ngaran kasendukan kaapa ung kaayahan kaapa am walina. Sa éné éng kumuala éné, sa zéi'kan éng kumuala zéi'kan, wo kamu zéi'kan ukumen.