Matius 22:43 - Taaz Weru Witu u Nunuwu'en Tombulu

⁴³ A si Yesus meligau sumaup wia ni séra, “Sa téntu, kaa im puuna i si Daud kinawasa ni Roh Lenas ni sia in esa éng kimua sa si Mesias itii én Tuangna. In toro niitu, ni sia éng kimua in téntii,

Matius 22:43 Iomraidhean Croise

Markus 12:36

Si Daud in esa, i ni sia kinawasa ni Roh Lenas éng kimua in téntii: Si Opo Empung éng kimua wia si Tuangku: ‘Rumumezola witu ung kakan-Ku, makaz sé kakoro'-Mu iwéhé-Ku witu u léléék-Mu.’

Kisah Rasul-rasul 1:16

“Katuari-katuari, a méikua ni Roh Lenas mengiité si Daud witu um Pinantik Lenas tumoro si Yudas si nimahwalimé sé tou in timion si Yesus é léwo'zéi' mamuali.

1 Korintus 12:3

Niitumo, ni kamu léwo'zéi' mata'ula i si tou kinawasa ni Roh ni Opo Empung én zéi'kan mamuali ing kumua in téntii, “Si Yesus én toron un epa'.” Wo si tou zéi'kan kinawasa ni Roh ni Opo Empung, si tou itii zéi'kan mamuali ing kumua, “Si Yesus itiimo si Mahpiara.”

Ibrani 3:7

Niitumo, tanu u méikua ni Roh ni Opo Empung witu um Pinantik Lenas, “In endo kenu, sa kamu tumalinga un ipahkua ni Opo Empung,

2 Petrus 1:21

Pahpaan zéi'kan kawisa a méikuamé ni Opo Empung wia sé nabi é nimamuali witu ung ginenang né tou, taan niitu é nimamuali pahpaan si Roh Lenas si kimawasa wia sé tou sé mahnuwu' u Nuwu' ni Opo Empung.

Wahyu 1:10

Witu un endo i mahragés wia si Opo Empung, ni aku éng kinawasa ni Roh-Na. In toro niitu, talingangkumé un zani totoz rimez un tanu zanina um pontuang witu u muriku.

Wahyu 4:2

In toro niitukan, ni aku kinawasala ni Roh ni Opo Empung, an ilekengkuma u rurumezan ni Kolano witi kasendukan, wo im witu ém wéwéhan si Tou rimumez.