Matius 22:4 - Taaz Weru Witu u Nunuwu'en Tombulu

⁴ An iatuna kasiima sé atana walina karia ing kinuaana in téntii, ‘Maikuala wia sé tou sé kinua i méyé witi pésta itii: Um pésta én uli-ulit niimekkumo. Sé sapi tuama wo sé tatamun éng kinerizo. Péléng am péléng é niimeko, méyémo wia um pésta kawéng kenu.’

Matius 22:4 Iomraidhean Croise

Matius 21:36

An iatu kasiima ni makauma sé atana walina i mangé wia sé mememendu itii. In tarékan kahuman sé méiatunama é lumakezpé'mé sé méiatunama kataré-taré. Taan ni séra kangkasii ém pinahwangunan umané tanu um winanguné wia sé kakaria néra ing kataré-taré.

Matius 22:5

Taan sé tou kinua itii én zéi'kan pandung wana an ipahkua né ata itii, wéwéhan sé nimangé uman taré witi uma wo wéwéhan kasii sé nimangé uman simaru am papaayangen néra.

Matius 22:8

Kumawusa niitu, sia kimuama wia sé atana, ‘Um pésta kawéng é niimeko taan sé tou kinuaku én zéi'kan wangun i méyé witu um péstaku.

Lukas 14:17

Puunala um pésta, si mahpésta é matuma si atana i makumua wia sé kinua, in téntii, ‘Méyémo, péléngo niimek.’

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 13:46

Taan karia im wuaya si Paulus wo si Barnabas mahkua wia sé tou itii, “Ulit u Nuwu' ni Opo Empung é léwo'zéi' in ipuuna iwoka' wia ni kamu in tou Yahudi, taan ni kamu é soo ma'éman. Im witu ung genang niou, ni kamu é mahgenangla un tou niou én zéi'kan wangun i makailek ung katou-touan makaz ing kauré-uré. Niitumo in tarékan ni kamu én itula'u nai i mangé wia sé zéi'kan tou Yahudi i mahwoka' u Nuwu' ni Opo Empung itii.

Roma 8:32

Si Opo Empung én zéi'kan sume'sel si Oki'-Na in esa taan si Oki'-Na itii é méiwéhé-Na wia ni kita péléng, kura kahuman ni Sia zéi'kan tumambéré péléng am péléng wia ni kita karia ni Oki'-Na itii?