Matius 22:13 - Taaz Weru Witu u Nunuwu'en Tombulu

¹³ Ang kuan ni kolano itii wia sé atana: Apusela un a'é wo u lengenna wo sia ilombo'ma witu ung karimbengbengan totoz rimbengbeng, im wana ém wéwéhan sé mahamé' makaz am waang néra éng karékétokan.

Matius 22:13 Iomraidhean Croise

Matius 12:29

Kura si tou mahuuntep um walé ni tou ketezen i makumahat a sangkumna, sa sia zéi'kampé' niapusnala? Si tou ketezen itii apusennapé'la wo taré sia toro kumahat am witu um walé itii.

Matius 13:30

Iwayamola ang gandum wo an tatanemen tanu ang gandum itii in tumoumé mahwali-wali makaz i maupu'en. Sa orasnamo i mupu', ni aku éng kumua in téntii wia sé mahupu': Réwokempé'mé an tatanemen tanu ang gandum wo pemule-mulesala in ziketan. Tumondong, réwokené ang gandum itii wo maitu'tula witi penunu'tulan ang gandum.’ ”

Matius 13:42

Péléng sé tou léwo' itii é mailombo' né malaekat witu un tampa mahlayas, wo im witu ni séra é mamé' makaz am waang néra karékétokan.

Matius 13:50

Sé tou léwo' é mailombo' witu un tampa mahlayas. Im witu ni séra é mamé' makaz am waang néra karékétokan.”

Matius 24:51

si ata itii ém wunu'en ni tuangna wo mangun ni sia maasar sé tou mahgau-gau lé'os. Im wana sé tou é mamé' makaz am waang éng karékétokan.”

Matius 25:30

Wo si ata zéi'kan siapa torona itii, ilombo'moma sia witu ung karimbengbengan totoz rimbengbeng. Im witu ém wéwéhan an amé' makaz am waang éng karékétokan.”

Matius 8:12

Taan sé tou Yahudi sé im puuna nimaéndo tou witi Kakolanoan ni Opo Empung én ilombo' witu ung karimbengbengan zéi'mo kakuaan. Im witu ni séra é mamé' makaz am waang néra éng karékétokan.”

Lukas 13:28

In toro niitu, ni kamu é mamé' wo am waang éng karékétokan, pahpaan ni kamu mahilek si Abraham, si Ishak, si Yakub wo péléng sé nabi witi Kakolanoan ni Opo Empung, taan ni kamu é méiwoho umané, zéi'kan toro muntep.

Yohanes 21:18

Uli-ulit ikua-Kuma wia ni ko: I ni ko tarétumoupé', zéi'kan siapa si mahsawang ni ko i maké ung karai wo ni ko mahlampang wisa uman um paaz angéannu, taan i ni ko tu'amo ni ko é mayo u lengenmu wo sé tou walina é mapus ni ko wo mahwali ni ko witi tampa kasoomu.”

Kisah Rasul-rasul 21:11

Ni sia é niméyé wia ni kai a méndoma un embet ni Paulus. Tumondongla niitu, karegas i mahapus un a'é wo un lengenna in esa ni sia mahkua, “Si Roh Lenas éng kimua in téntii, ‘Téntiimo si tou makaembet ung kenu in apusen né tou Yahudi witi Yerusalem. Wo ni sia én iayo néra wia sé tou zéi'kan Yahudi.’ ”

Kisah Rasul-rasul 7:54

I sé tou méikauntep witu u Mahkamah Agama timalingamé niana péléng, ni séra én totoz maupi' makaz i mengete-ngetepokan.

2 Tesalonika 1:9

Ni séra én ukumen karia i maléwo' makaz ing kauré-uré. Ni séra én iwoho ni Opo Empung im witu u sinaru-Na wo ni séra én zéi'mo kasii milek ung kaenté'an-Na um wangko'.

2 Petrus 2:17

Sé méster towo itii én zéi'kan siapa torona, tanu ung kembu'an nimaperamo, tanu u semu nimazéi'ma pahpaan i méiwalima u reges repet. Ni séra é niimekano ni Opo Empung un ukuman in iuntep witu ung karimbengbengan un totoz rimbengbeng.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

Yudas 1:13

Tanu u sempa' makaindé'en witi tasik, u mahsewumé, ni séra kangkasii é mapailek am pahmualin néra ang kaizangnokané. Ni séra én tanumokan sé tototi'en mahéra-éra sé méimeko ni Opo Empung ung karimbengbengan witi lalem ung kaayahan makaz ing kauré-uré.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.

Wahyu 21:27

Sé tou mahwangun a makati'tiren, kaapa sé mahwangun a makazi'zisen kaapa mahtowo én zéi'kan toro muntep witu um wanua tua'na itii. Taan sé toro muntep witu én akaz uman sé tou a ngaran néra é méipantik witu ung Kitap Katou-touan un anu ni Anak ni Domba itii.