Matius 22:11 - Taaz Weru Witu u Nunuwu'en Tombulu

¹¹ I si kolano nimuntepa witi untep um pahpéstaan i mahilekan karia né sakéina itii, ilekennama ém wéwéhan si tou zéi'kan kimarai um pengangaraien wana am pésta.

Matius 22:11 Iomraidhean Croise

Matius 13:30

Iwayamola ang gandum wo an tatanemen tanu ang gandum itii in tumoumé mahwali-wali makaz i maupu'en. Sa orasnamo i mupu', ni aku éng kumua in téntii wia sé mahupu': Réwokempé'mé an tatanemen tanu ang gandum wo pemule-mulesala in ziketan. Tumondong, réwokené ang gandum itii wo maitu'tula witi penunu'tulan ang gandum.’ ”

Matius 22:10

A mangé sé ata itii an tumawahmé péléng sé ipahpasungkul néra wana a lalan, sé tou léwo' wo sé tou lé'os, taka-takazan un untep um pahpéstaan itii é mawuta-wutamo né sakéi.

Matius 3:12

Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken-Na witi pelélé'osan ang gandum, taan péléng am pesel é la'ungen-Na witu un api zéi'kan mahpaté.”

Roma 13:14

Taan méyémo kita maéndo tanu si Yesus Kristus Mahpiara, wo pahilekené né tou am pahwangunenta. Karia in téntu, ni séra én tanu nimilek ni Sia witu un touta. Wo tia'mo megena-genang uman ing kumiit a lelo léwo' un awakmu in esa.

Roma 3:22

im pélén sé tou ma'éman si Yesus Kristus uman sé niéndo ulit ni Opo Empung. Si Opo Empung nimangun niitu wia péléng sé tou ma'éman pahpaan péléng sé tou é masuat uman.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

2 Korintus 5:3

Niitumo, kapaazta sa matéma é makailek un awak weru wo si rohta zéi'kan kailekan in zéi'kan siapa awak.

Galatia 3:27

Ni kamu péléng sé sinaranimo karia u ngaran ni Kristus, ung katou-touan niou én tanumo ung katou-touan ni Kristus.

Efesus 4:24

Menou-noula karia ung katou-touan weru u méikiit um paaz ni Opo Empung, ung katou-touan ulit wo linenas ni Opo Empung.

Wahyu 16:15

“Ilekené, ni Aku i méyé én tanu si maremu'. Mahpaa-paazola si tou totoz timégam wo niméhé genang witu ung kinaraina, wo sia i lumampang én zéi'kan maizang pahpaan in timangkol.”

Wahyu 19:8

Si wéwéné kawéngen-Na itii é niénéanola ni Opo Empung ing kumarai u roko' lenan totoz wangun u meto-petot wo totoz kulo'!” (U roko' lenan kulo' itii, nianamo an ulit pahlé'osen né tou ni Opo Empung).

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.

Wahyu 3:18

Niitumo, isésa-Kuma wia ni kamu in tumelesola u mas wia ni Aku um wineresimo karia un api, wo kamu uli-ulit mawa'ilan. Wo tumeleso kasiila ung karai kulo' ing karaien niou wo kamu zéi'kan pahileken kaizangnokané in timangkol. Wo tumelesla undam i mundam am weren niou, wo kamu toro milek.