Matius 22:10 - Taaz Weru Witu u Nunuwu'en Tombulu

¹⁰ A mangé sé ata itii an tumawahmé péléng sé ipahpasungkul néra wana a lalan, sé tou léwo' wo sé tou lé'os, taka-takazan un untep um pahpéstaan itii é mawuta-wutamo né sakéi.

Matius 22:10 Iomraidhean Croise

Matius 13:38

Un uma itii éng kaayahan. Am watuna tatanemen wangun é sé tou witi Kakolanoan ni Opo Empung. Taan an tatanemen tanu ang gandum é sé tou ni tonaas né sétang.

Matius 22:9

Niitumo, mangémo wana am pinasungkulan a lalan tua'na, wo pakakuané péléng sé tou ipahpasungkul niou i méyé wia um pésta kenu.’

Matius 25:10

Taan karegas sé raraha lemou itii i matimeles lana, a mawiamé si brédégom. Sé lima raraha tulap sé nimimeko é nimuntepa kariana witu um pahkawéngan, am penetené um pepenet.

Matius 9:15

A séra wingkotela ni Yesus, “Sa si brédégom ém witipé' pahpéstaan karia né kakariana, toro wé sé kakariana i mahpengasi'? Taan un orasna é méyé, si brédégom in éndon im wia ni séra. In toro niitumo ni séra mahpuasa.

2 Korintus 12:21

Ni aku kasii é maindé', sa ni aku méyé sumaup, si Opo Empung mapaiza-izang ni aku witu u sinaru niou makaz un atéku i rumara. Pahpaan, im wia ni kamu é lakezpé' sé memangu-mangunpé' a singkéla' rengan im puuna wo zéi'kampé' timula'u a saparuni, a samek wo mahwangun ang kaizangnokané.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.

Wahyu 7:9

Kumawusa niitu, ilekengkuma sé sana réwok tou totoz lakez sé zéi'mo karékénan. Ni séra ém wia péléng sé tahsasana wanua, tahsasana suzu, tahsasana réwok mahtuari, wo sé tahsasana nunuwu'en. Ni séra péléng é rimendai witu sinaru u rurumezan ni Kolano wo witu sinaru ni Anak ni Domba, kimarai ang karai tonton kulo', timion am pala'pa'na am palem.