Matius 21:5 - Taaz Weru Witu u Nunuwu'en Tombulu

⁵ “Ikuamola wia sé tou witi Sion: Ilekena, si Kolano niou é mahéyémo wia ni kamu. Ni Sia én eluz uman wo simaké wia si keledai, si anak ni keledai peranggangpé'.”

Matius 21:5 Iomraidhean Croise

Matius 11:29

Kumiitola um perénta-Ku tanumokan i masaan um pasangan méipasaan-Ku, wo mahtata'umé wia ni Aku, pahpaan ni Aku én eluz uman wo roros até, wo si rohmu é makailek ung kaenaan.

Matius 2:2

Ni séra meligau wia sé tou witu, “Wisa si kolano né tou Yahudi si taré matoumé itii? Pahpaan niilek naimomé si tototi'en simerité witi sendangan si timuzu'mé ung kinatouan-Na wo ni kai niméyé i mémongkot wo sumigi' ni Sia.”

Matius 2:6

‘Wo ni kamu in tou Betlehem witi tana' Yehuda, um wanua tua'na niou én zéi'kan ung kumori-kori' im wana am wanua tua'na witi Yehuda, pahpaan im wia ni kamu é méyé si maéndo tonaas, si matuméiz sé tou-Ku Israel.’ ”

Matius 21:6

A sé zua pahtuzu'en-Na itii mangé am wangunen nérala tanu u méikuama ni Yesus wia ni séra.

Lukas 24:27

A si Yesus mapata'uma wia ni séra a mémoipantik witu péléng um Pinantik Lenas tumoro ni Sia, rengané witu ung kitap pinantik ni Musa makaz wana ang kitap pinantik né nabi.

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

2 Korintus 10:1

Ni aku Paulus, si pahkuan niou in zéi'kan wuaya sa nimasaruan karia niou, taan wuaya uman im wana am pinantikku sa nimazou'an karia niou. Ni aku mahaléi wia ni kamu witu u ngaran ni Yesus Kristus si roros até wo lé'os uman.