Matius 21:44 - Taaz Weru Witu u Nunuwu'en Tombulu

⁴⁴ Séi uman si ikazemak witu um watu itii é makemu, wo séi uman si kaempisan um watu itii é marempék.]”

Matius 21:44 Iomraidhean Croise

Matius 21:43

Niitumo, ikua-Kuma wia ni kamu, péléng an tinotozo in iwéhé wia ni kamu im witi Kakolanoan ni Opo Empung ém pakaéndon im wia ni kamu wo maiwéhé sé tahsasana wanua walina sé makumiit am perénta-Na. [

Matius 21:45

I sé tonaas né walian wo sé sana réwok tou Farisi timalingama an aandéan méikuama ni Yesus, kinatulapan nérala sa sé paza'ila ni Yesus é ni séra.

Matius 26:24

Si Oki' ni Tou é maté tanu u méipantik tumoro ni Sia witu um Pinantik Lenas. Taan ikaléwo'la si tou nimayo si Oki' ni Tou. Tawimo si tou itii in zéi'kan méitoumé.”

Matius 27:25

Péléng sé tou itii é nimingkoté, “Éné, iwayamola un zaha'-Na i mapengalin nai wo né oki' nai.”

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Lukas 20:18

Séi uman si ikazemak witu um watu itii é makemu, wo séi uman si kaempisan um watu itii é marempék.”

Yohanes 19:11

Si Yesus nimingkotla, “Ni ko én zéi'kan siapa kawasa zozo' in esa wia ni Aku, sa ung kawasa itii zéi'kan méiwéhémé ni Opo Empung. Pahpaano niitu, si tou nimayo ni Aku wia ni ko, u singkéla'na é lumouspé'mé u singkéla'mu.”

Roma 9:33

tanu u méipantik witu um Pinantik Lenas: “Talingana ang kenu. Im witi kentur Sion, ni Aku én zimeta'momé um watu pahkasangkilan né tou, um watu tua'na um pahkazemakan néra, taan sé ma'éman wia ni Sia én zéi'kan papaiza-izang.”

1 Tesalonika 2:16

Ni kai ém pahapé-apé'an néra i mahwoka' u Nuwu' ni Opo Empung u milot sé tou zéi'kan Yahudi im witu un ukuman wana a singkéla'. Karia in téntu sé tou Yahudi é mengawe-ngawes a singkéla' néra makaz i malekep wo in tarékan un upi' ni Opo Empung én timoromo ni séra.

1 Petrus 2:8

Ni séra ém pahkasangkil wia ni Sia pahpaan zéi'kan mahtalinga u Nuwu' ni Opo Empung. Téntu un tinotozo ni Opo Empung i mamuali wia ni séra.