Matius 21:43 - Taaz Weru Witu u Nunuwu'en Tombulu

⁴³ Niitumo, ikua-Kuma wia ni kamu, péléng an tinotozo in iwéhé wia ni kamu im witi Kakolanoan ni Opo Empung ém pakaéndon im wia ni kamu wo maiwéhé sé tahsasana wanua walina sé makumiit am perénta-Na. [

Matius 21:43 Iomraidhean Croise

Matius 12:28

Taan sa ni Aku mahwoho sé sétang karia ung kawasa ni Roh ni Opo Empung, ung kalakoana ung Kakolanoan-Na ém wiamo ni kamu.

Matius 21:41

A séra mingkotla, “Tantumo sé tou léwo' itii ém wunu'enna wo un uma tinaneman an anggor ém pekiwenduna wia sé mememendu walina, sé mahwéténg a niupu'mé sa orasnamo i mupu'.”

Matius 21:42

Kuan ni Yesus wia ni séra, “Zéi'kampé' pinahbaca-baca nioula wé u méipantik witu um Pinantik Lenas, ‘Um watu méitia' né memamangun am walé é nimaéndomola watu to'tolan. Si Opo Empung si nimangun niitu wo ni kita sé nimilek um winangun-Na itii é mengusi-ngusingsing.’

Matius 21:44

Séi uman si ikazemak witu um watu itii é makemu, wo séi uman si kaempisan um watu itii é marempék.]”

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

1 Korintus 13:2

Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.