Matius 21:35 - Taaz Weru Witu u Nunuwu'en Tombulu

³⁵ Taan sé atana én tinionan umanla né mememendu itii. Si esa ém winélwél nérala, si esa ém winunu' nérala wo si esa kasii ém winatu nérala.

Matius 21:35 Iomraidhean Croise

Matius 21:34

I lelezo mupu', an iatunama sé atana i mangé wia sé mememendu un uma itii i maméndo um wéténgna.

Matius 21:36

An iatu kasiima ni makauma sé atana walina i mangé wia sé mememendu itii. In tarékan kahuman sé méiatunama é lumakezpé'mé sé méiatunama kataré-taré. Taan ni séra kangkasii ém pinahwangunan umané tanu um winanguné wia sé kakaria néra ing kataré-taré.

Matius 5:12

Mahkonta-konta'la ni kamu i mahpaa-paaz pahpaan um wawaér makailekan niou witi kasendukan én totoz wangko'. Pahpaan sé nabi puunala ni kamu kangkasii ém pinahzézéhamola tanu niitu.”

Kisah Rasul-rasul 7:52

Amoké ikua nioué, im wia sé nabi, séi si zéi'kan zinézéhamé né nimaopo niou? Lumousé niitu, ni séra é nimunu' sé tou sé méiatumé ni Opo Empung sé mahwoka' tumoro si Tou Ulit i méyé. Si Tou Ulit itii é si tinowoan wo winunu' niou.

Wahyu 6:9

I si Anak ni Domba itii mukama u segel kalima, ilekengkuma um witu um wawa' um pahtunuan a raragés wia si Opo Empung ém wéwéhan sé roh né tou winunu'mo, pahpaan u Nuwu' ni Opo Empung wo pahpaan ang kata'uan néra tumoro a niilek wo tinalinga néra.