Matius 21:26 - Taaz Weru Witu u Nunuwu'en Tombulu

²⁶ Taan sa kita kumuama, ‘Wia si tou a méyé,’ kaindé'ta uman é sé tou lakez, pahpaan si Yohanes ém pahgenangen nérala i nabi.”

Matius 21:26 Iomraidhean Croise

Matius 11:9

Ni- itumo, makumura kamu i mangé wana? Mamilek si nabi? Ulit, wo ikua-Kuma wia ni kamu, si Yohanes é lumouspé'mé si nabi.

Matius 14:5

Zozo' si Herodes paaz i mahwuwunu' si Yohanes, taan ni sia é maindé' sé tou lakez sé mahgenangla si Yohanes i nabi.

Matius 21:11

A sé tou lakez itii mingkotla, “Si Kenumo si Nabi Yesus si witi Nazaret tana' Galilea a méyé.”

Matius 21:25

Wisa a méyé ung kawasa ni Yohanes i mahsarani sé tou? Wia si Opo Empung kaapa wia si tou a méyé?” Ni séra mahliligauan karia i mahkua, “Sa wingkotentama, ‘Wia si Opo Empung a méyé,’ ni Sia éng kumua wia ni kita, ‘Sa téntu, kaa kamu zéi'kan ma'éman ni sia?’

Matius 21:27

Ang kuan néra wia si Yesus, “Zéi'kan kata'uan nai.” Si Yesus kasii éng kimuala wia ni séra, “Sa téntu, ni Aku kangkasii én zéi'kan kumua wia ni kamu séi si niméhémé ung kawasa wia ni Aku i mahwangun péléng niana.”

Matius 21:46

Niitumo, ni Sia ém pahtututu'en néramo im pahtitionan, taan ni séra é maindé' sé tou lakez, pahpaan si Yesus ém pahgenangela né tou lakez i nabi.

Markus 11:32

Taan, sa kita kumuama, ‘Wia si tou a méyé!’ Ni séra é maindé' wia sé tou lakez, pahpaan péléng sé tou mahgenangla i si Yohanes én uli-ulit nabi.”

Markus 12:12

Kaitalingamé niitu, a séra mahtututu' i mahtition si Yesus, pahpaan kata'uan néramo sa sé paza'i-Nala witu un aandéan itii é ni séra. Taan ni séra é maindé' wia sé tou lakez, niitumo ni Sia é méiwaya néramé, a séra mangé.

Markus 6:20

pahpaan si Yohanes ém pahsigi'en ni Herodes wo kata'uanna i si Yohanes én tou ulit wo linenas ni Opo Empung, niitumo si Herodes nimatuma sé touna i matuméiz si Yohanes. Pahpaan zozo' un aténa é nimalinganga i mahtalingamé un ipahkuamé ni Yohanes, taan ni sia é mahpaa-paaz i mahtalinga un ipahkuanamé.

Lukas 20:19

Timalingamé niitu, sé tou tulap un Torat wo sé tonaas né walian é mahtututu' i mahtition ni Sia in toro niitukan, pahpaan kata'uan néramo sa sé paza'i-Nala witu un aandéan itii é ni séra, taan ni séra é maindé' wia sé tou lakez.

Lukas 20:6

Taan sa kuantama, ‘Wia sé tou a méyé, péléng sé tou é merit ni kita karia am watu, pahpaan totoz pa'émanen néra i si Yohanes é nabi.’ ”

Lukas 22:2

Sé tonaas né walian karia né tou tulap un Torat é menéro-néro lalan kura wo séra toro munu' si Yesus karia i mahwuni-wuni, pahpaan ni séra é maindé' wia sé tou lakez.

Yohanes 5:35

Si Yohanes Menanarani én tanu u solo mahlayas wo mahsena'ma wo u sena' itii nimangun ni kamu mahpaa-paaz zozo' in zéi'kan mauréma.

Yohanes 9:22

Sé tu'ana kimuala téntu, pahpaan ni séra é maindé' wia sé tonaas né tou Yahudi. Pahpaan sé tonaas né tou Yahudi é nimaesaanola i sé tou mahkua si Yesus é Mesias, ni séra én zéi'mo mata'u muntep witi walé peraragésan né tou Yahudi.

Kisah Rasul-rasul 5:26

Kaitalingamé niitu, a mangé si tonaas né menénéiz um Walé ni Opo Empung karia né touna, i mangémé sé aatu ni Yesus witi lésaz um Walé ni Opo Empung. Taan ni séra i nimangémé éng karia i lé'o-lé'os uman pahpaan maindé' én taa séra weritené né tou lakez karia am watu.