Matius 21:24 - Taaz Weru Witu u Nunuwu'en Tombulu

²⁴ A si Yesus mingkotla wia ni séra, “Ni Aku kangkasii é lumigau wia ni kamu wo sa um peligaueng-Ku toro kawingkotan niou, ni Aku kangkasii éng kumua séi si niméhémé ung kawasa wia ni Aku i mahwangun niana.

Matius 21:24 Iomraidhean Croise

Matius 10:16

“Gena-genangen! Ni kamu é méiatu-Ku tanu si domba witu un unez né serigala. Niitumo, ni kamu é léwo'zéi' i siga' tanu si ulé' wo lé'os tanu si bombo.

Matius 21:23

A si Yesus muntepa witi lésaz um Walé ni Opo Empung. Karegas Sia mahtuzu' im witu, a méyé sé tonaas né walian wo sé pahtutu'an né tou Yahudi. Ni séra meligau wia ni Sia, “Wisa a méyé ung kawasa wia ni Ko i mahwangun péléng niitu? Séi si niméhé ung kawasa itii wia ni Ko?”

Matius 21:25

Wisa a méyé ung kawasa ni Yohanes i mahsarani sé tou? Wia si Opo Empung kaapa wia si tou a méyé?” Ni séra mahliligauan karia i mahkua, “Sa wingkotentama, ‘Wia si Opo Empung a méyé,’ ni Sia éng kumua wia ni kita, ‘Sa téntu, kaa kamu zéi'kan ma'éman ni sia?’

Lukas 6:9

Ang kuan ni Yesus wia ni séra, “Ni Aku lumigaua wia ni kamu. Wisa un toro wangunen witu un endo Sabat, mangun u lé'os kaapa u léwo', tumulung si tou wo menou-nou kaapa munu' si tou?”

Kolose 4:6

I mahnuwu' wia sé tou, pahwangunela um pakahnuwu' niou i makapaazen wo tariis im pahtalingan, wo kata'uan nioula kura i mahwiwingkot wia si séi uman si meligau.