Matius 21:23 - Taaz Weru Witu u Nunuwu'en Tombulu

²³ A si Yesus muntepa witi lésaz um Walé ni Opo Empung. Karegas Sia mahtuzu' im witu, a méyé sé tonaas né walian wo sé pahtutu'an né tou Yahudi. Ni séra meligau wia ni Sia, “Wisa a méyé ung kawasa wia ni Ko i mahwangun péléng niitu? Séi si niméhé ung kawasa itii wia ni Ko?”

Matius 21:23 Iomraidhean Croise

Matius 20:4

Kuana wia ni séra, ‘Mamomendula kamu witi umaku un tinaneman an anggor, wo ni kamu ém waérangkumokan um wangun ing kailekan niou.’ Kaitalingamé niitu, a séra mangé i mamendu witi uma itii.

Matius 21:24

A si Yesus mingkotla wia ni séra, “Ni Aku kangkasii é lumigau wia ni kamu wo sa um peligaueng-Ku toro kawingkotan niou, ni Aku kangkasii éng kumua séi si niméhémé ung kawasa wia ni Aku i mahwangun niana.

Matius 24:1

Kumawusa niitu, si Yesus mondolé im witu um Walé ni Opo Empung. Sé pahtuzu'en-Na niméyé wia ni Sia a mahtuzu'ma wana a méirendai witi Walé ni Opo Empung.

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Lukas 19:47

Sekez in endo ni Sia é mahtuzu' witi lésaz um Walé ni Opo Empung. Sé tonaas né walian wo sé tou tulap un Torat karia né tou pahsigi-sigi'en né tou Yahudi itii é mahtututu' i munu' ni Sia,

Lukas 20:1

I sana endo, i si Yesus mahtuzu' sé tou lakez witi lésaz um Walé ni Opo Empung wo mahwoka' u Nuwu' Lé'os tumoro si Opo Empung, méyé sé tonaas né walian wo sé tou tulap un Torat karia né pahtutu'an né tou Yahudi.

Kisah Rasul-rasul 4:7

A si Petrus wo si Yohanes iwali néramé witu um paheruzan né Mahkama Agama im pahtata'un um winangun néra. Tumondong niitu a séra meligau in téntii, “Séi si niméhé ung kawasa wia ni kamu? Kaapa karia u ngaran ni séi kamu i mahwangun péléng niana?”

Kisah Rasul-rasul 7:27

Taan si tou si kimataréma i nimélwéla si kakariana itii én timundoma si Musa ang kuana, ‘Séi si timuzu' ni ko i maéndo tonaas wo menonotoz um pahkoro'an nai?