Matius 21:21 - Taaz Weru Witu u Nunuwu'en Tombulu

²¹ A mingkotla si Yesus wia ni séra, “Uli-ulit ikua-Kuma wia ni kamu, sa kamu ma'éman wo zéi'kan mahzua-zua genang, ni kamu én zéi'kan uman toro mangun tanu um winangun-Kuma witu ung kai ara itii, taan ni kamu kangkasii én toro kumuama witu ung kentur kenu, ‘Mawutwuta wo ikalombo'ma witi tasik!’ niitu é mamuali.

Matius 21:21 Iomraidhean Croise

Matius 14:29

Ang kuan ni Yesus wia ni sia, “Méyémo!” A si Petrus tumumpamé im witu u londéi a lumampang witu um wawo un zano mangé wia si Yesus.

Matius 17:20

Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Matius 21:20

I sé pahtuzu'en ni Yesus nimileka niitu, ni séra mengusi-ngusingsing. A séra meligau wia ni Sia, “Kura kahuman ung kai ara itii é rengan i nimaperama?”

Matius 8:12

Taan sé tou Yahudi sé im puuna nimaéndo tou witi Kakolanoan ni Opo Empung én ilombo' witu ung karimbengbengan zéi'mo kakuaan. Im witu ni séra é mamé' makaz am waang néra éng karékétokan.”

1 Korintus 13:2

Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.

Yakobus 1:6

Taan sa sia mahaléi niitu é léwo'zéi' karia um pa'émanen wo zéi'kan mahzua-zua genang. Pahpaan si tou mahzua-zua genang éng kasuat u sempa' witi tasik, um pemolé-moléi uman u reges wayaan ung kasaruan.