Matius 21:19 - Taaz Weru Witu u Nunuwu'en Tombulu

¹⁹ An ileken-Nama ung kai ara witu ruruh u lalan, a Sia mangé witu ung kai itii i menéro wua'na. Taan ni Sia én zéi'kan méikaileké wua'na im witu akaz uman an zani'na. Ang kuan-Na witu ung kai itii, “Ni ko én zéi'mo mahwua-wua'la makaz ing kauré-uré!” In toro niitukan ung kai ara itii é rengan i nimaperama.

Matius 21:19 Iomraidhean Croise

Matius 21:20

I sé pahtuzu'en ni Yesus nimileka niitu, ni séra mengusi-ngusingsing. A séra meligau wia ni Sia, “Kura kahuman ung kai ara itii é rengan i nimaperama?”

Markus 11:14

Ang kuan-Na witu ung kai itii, “Zéi'mo siapa si mahkakanla am pahwua'mumé makaz ing kauré-uré!” Sé pahtuzu'en-Na kangkasii én timalinga u méikua-Nama itii.

Markus 11:20

Masandomé im woondo, i si Yesus karia né pahtuzu'en-Na lumangkoi witu ung kai ara itii, ileken nérama ung kai ara itii ém peramo makaz wana an ahmutna.

Lukas 3:9

Um pati ém witumo un tuuz ung kai wo péléng ang kai zéi'kan mahwua'mé wangun ém wanti'en wo itia' witu un api.”

Yohanes 15:2

Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

2 Timutius 3:5

Ni séra ém pahileken i mahragés wia si Opo Empung taan un ulitna ni séra é mahkélong ung kawasa ni Opo Empung itii. Ma'katla im wia sé tou itii!

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.

Yudas 1:12

Ni séra én tanu a sezingna im wia ni kamu. Pahpaan i ni kamu mahkan mahwali-wali ing gumenang u raraatéan ni Opo Empung, ni séra én zéi'mo siapa izangna i mahkan wo zéi'kan mahgenang sé tou walina. Ni séra én tanu a ninahak zéi'kan mamuali uzan un ipahwali-wali uman u reges. Ni séra én tanu uman ung kai zéi'kan mahwua' im witu un oras i mua', um winutwutan an ahmutna wo uli-ulit nimaté.

Wahyu 22:11

Niitumo, séi si mahwangun a léwo', iwayamola sia i memangu-mangun a léwo', wo séi si mahwangun ang kaizangnokané, iwayamola sia i memangu-mangun ang kaizangnokané. Wo séi si mahwangun an ulit, iwayamola sia i memangu-mangun an ulit, wo séi si linenaso, iwayamola sia i menou-nou witu ung kalenasan!”