Matius 21:11 - Taaz Weru Witu u Nunuwu'en Tombulu

¹¹ A sé tou lakez itii mingkotla, “Si Kenumo si Nabi Yesus si witi Nazaret tana' Galilea a méyé.”

Matius 21:11 Iomraidhean Croise

Matius 2:23

I ni séra mémoikaayoma witi Galilea, a séra mento'la witi wanua tua'na makangaran Nazaret. Niitu é nimamuali, wo malekepla u nuwu' ni Opo Empung mengiité sé nabi tumoro si Koki' itii: “Ni Sia éng kuan in tou Nazaret.”

Matius 21:10

I si Yesus nimuntepoma witi Yerusalem, a maringka'mé péléng sé tou witi wanua tua'na itii wo mahliligauan, “Séi wé si tou kenu?”

Matius 21:26

Taan sa kita kumuama, ‘Wia si tou a méyé,’ kaindé'ta uman é sé tou lakez, pahpaan si Yohanes ém pahgenangen nérala i nabi.”

Matius 21:46

Niitumo, ni Sia ém pahtututu'en néramo im pahtitionan, taan ni séra é maindé' sé tou lakez, pahpaan si Yesus ém pahgenangela né tou lakez i nabi.

Markus 6:15

Sé walina é mahkua, “Ni Siamo si Elia!” Wo wéwéhan kasii sé walina é mahkua, “Ni Sia é nabi, katoro né nabi im puuna.”

Lukas 13:33

Taan in endo kenu, i sando wo in asusa ni Aku é léwo'zéi' lumampang mangé witi Yerusalem. Pahpaan zéi'kan mamuali si nabi im wunu'en né tou witi ondol u Yerusalem.

Lukas 24:19

Ang kuan-Na wia ni séra, “Apa itu wé?” Am wingkoten nérala, “U nimamuali wia si Yesus tou Nazaret. Ni Sia é nabi, si mawuta-wuta ung kawasa im wana am pahpaayangen wo am pahnuwu'en-Na witu u sinaru ni Opo Empung wo wia péléng sé tou.

Lukas 7:16

Péléng sé tou witu é maindé' a mahsigi' wo mahlooz si Opo Empung. Ni séra é mahkua, “Si Opo Empung é nimatumomé si nabi wangko' i mémahwali-wali kariata! Si Opo Empung é niméyémo i mésumawang sé tou-Na!”

Lukas 7:39

I niileka ni tou Farisi si kimua si Yesus a nimamuali itii, witu ung genangna ni sia é mahkua, “Sa Sia ulit nabi, tantumo éng kata'uan-Na am pemangu-mangunen ni wéwéné si timion wia ni Sia. Kata'uan-Na si wéwéné kenu ém wéwéné sangaya.”

Yohanes 1:21

A séra meligau wia ni sia, “Sa téntu, séi ko? Ni ko si Nabi Elia?” Wingkotenala, “Zéi'kan!” A séra meligau kasii, “Apa ni ko si Nabi si méyé itii?” Am wingkotenala, “Zéi'kan!”

Yohanes 1:25

Ni séra é meligau wia ni sia, “Sa téntu, kaa ko mahsarani sé tou, sa ko zéi'kan Mesias, zéi'kan Nabi Elia wo zéi'kan nabi si méyé?”

Yohanes 4:19

Kuan ni wéwéné itii wia ni Sia, “Taré kata'uangkula si Tuang é nabi.

Yohanes 6:14

I niilekla né tou itii u makakompo'en winangunla ni Yesus, ni séra mahkua, “Ni Sia én uli-ulit Nabi si méitaaz ni Opo Empung i méyé wia ung kaayahan kenu.”

Yohanes 7:40

Sé woopira im wia sé tou lakez, sé timalinga a méikua-Nama itii, mahkua, “Si tou kenu én uli-ulit Nabi si méitaaz i méyé.”

Yohanes 9:17

Ni séra meligau kasii wia si tou itii, “Kura un ikuamu tumoro ni Sia, pahpaan ni Sia limé'oso um werenmu?” Wingkotenala, “Ni Sia é nabi.”

Kisah Rasul-rasul 7:37

Si Musa kenu kasii si kimua wia sé tou Israel in téntii, ‘Im wia sé tahsasana wanua niou é méyé si nabi tanu ni aku si iwéhé ni Opo Empung.’