Matius 21:1 - Taaz Weru Witu u Nunuwu'en Tombulu

¹ I si Yesus wo sé pahtuzu'en-Na merétémoma u Yerusalem wo méikaayomola witi Betfage um witi kentur Zaitun, a si Yesus matuma sé zua pahtuzu'en-Na i lumampang mapuunama.

Matius 21:1 Iomraidhean Croise

Matius 20:34

A mawiamé u raraatéan ni Yesus wia ni séra. An irasak-Nama u lengen-Na wana am weren néra zua, in toro niitukan ni séra én toromo mahilek, a séra kumiit si Yesus.

Matius 21:2

Kuan-Na wia ni séra, “Mangémo witi wanua pahsaruna kenuma. I mawanala ni kamu é milek si keledai mezéi si méitapik wo si anakna witu u réténa. Owarané sé keledai zua itii wo pahaliné wia ni Aku.

Matius 24:3

Tumondong niitu, a si Yesus mangé witi kentur Zaitun. Im witu si Yesus rimumezla, a méyé sé pahtuzu'en-Na i mésumirita karia-Na, kuan néra, “Méster, ikuamé wia ni kai sawisa u méikua-Mumé itii mamuali, wo apa un tumuzu'mé ni Ko i mawurimé wo an tumuzu'mé ung kaakazan ung kaayahan?”

Matius 26:30

Makakantarla ang kakantaren lolooz, a si Yesus wo sé pahtuzu'en-Na mangé witi Kentur Zaitun.

Markus 13:3

Tumondongla niitu, si Yesus karia né pahtuzu'en-Na mangé witi kentur Zaitun. Im witu si Yesus rimumezla simaru um Walé ni Opo Empung. A si Petrus, Yakobus, Yohanes, wo si Andreas marumétéla ni Sia a séra meligau,

Markus 14:26

Tumondongla niitu a séra kumantar ung kakantaren lolooz, a séra mangé witi kentur Zaitun.

Lukas 21:37

In endo, si Yesus é mahtuzu' witi lésaz um Walé ni Opo Empung wo im wengi ni Sia mondolé i matumekel witi kentur Zaitun.

Lukas 22:39

A si Yesus mondola im witi wanua tua'na wo ung kinanaram-Na ni Sia mahangé witi kentur Zaitun. Sé pahtuzu'en-Na kasii é mengiita ni Sia.

Yohanes 8:1

Tumondong niitu a si Yesus mangé witi kentur Zaitun.

Kisah Rasul-rasul 1:12

Tumondong niitu, merosé sé aatu ni Yesus im witi kentur Zaitun a mawurima sumaup witi Yerusalem, ung kazou'na ém woo esa kilometer.