Matius 20:8 - Taaz Weru Witu u Nunuwu'en Tombulu

⁸ Im wengimo, a si makauma itii kumuala wia si menénéiz sé mememendu, ‘Tawahené péléng sé mememendu itii wo séra waérala, rengané im wia sé nimaayang totoz kamurian makaz wia sé nimaayang kataré-taré.’

Matius 20:8 Iomraidhean Croise

Matius 20:7

A séra mingkotla wia ni sia, ‘Pahpaan zéi'kan siapa tou niméhé paayangen wia ni kai.’ Ang kuana wia ni séra, ‘Sa téntu, ni kamu é mamomendula witi umaku un tinaneman an anggor.’

Matius 20:9

A méyé sé nimendu rengané in jam kalima im wengindo, ni séra si esa wo si esa é nimakailek um wawaér esa dinar.

Matius 25:19

In urémo, a mawurimé si tuang né ata itii. An tawahennamé sé atana i mahtata'u sa kinura nérala an zoit méitarawésama wia ni séra.

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Lukas 10:7

Sa kamu sungkulela ni makawalé, ni kamu é mento'mola witu um walé itii wo tia'mo mahééra wana am walé walina, wo kuman wo melepola apa uman un iwéhéla ni makawalé. Pahpaan si tou mahpaayang ém wangun i makailek um wawaér.

Lukas 12:42

Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Lukas 8:3

Wo si Yohana si mahayo ni Khuza. Si Khuza kenu én tonaas né mahpaayang witi istana ni Herodes. Wéwéhan kasii si makangaran Susana wo lakez sé wéwéné walina. Sé wéwéné itii é mahsawang si Yesus wo sé pahtuzu'en-Na karia an zoit néra.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

1 Petrus 4:10

Ni kamu si esa wo si esa ém winéhan un tatambér ni Opo Empung. Niitumo ni kamu sé tou lé'os mengimek an tatambér itii, pahimekela lé'os a méitambéré itii i mahsawang sé tou walina.