Matius 20:21 - Taaz Weru Witu u Nunuwu'en Tombulu

²¹ Kuan ni Yesus wia ni sia, “Apa ung kapaazmu im wanguneng-Ku?” Kuana wia si Yesus, “Kapaazku sé oki'ku zua kenu toro rumumez witi Kakolanoan-Nu im woo sawisa, si esa ém witu ung kawihi-Mu wo si esa kasii ém witu ung kakan-Mu.”

Matius 20:21 Iomraidhean Croise

Matius 18:1

In toro niitu, méyé wia si Yesus sé pahtuzu'en-Na a meligau, “Séi si totoz ipahpuu-puuna im witi Kakolanoan ni Opo Empung?”

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Matius 20:22

Taan kuan ni Yesus, “Um pahaléien niou én zéi'kan kata'uan niou. Makawawa wé kamu i mendan an zézéha pendaneng-Ku un tanumokan i melep witu un eelepan u léwo'zéi' in elepeng-Ku?” A séra mingkotla, “Ni kai é makawawa.”

Matius 20:32

A si Yesus mento'la an tumawahmé ni séra zua. Kuan-Na wia ni séra, “Apa ung kapaaz niou im wanguneng-Ku wia ni kamu?”

Markus 10:51

Si Yesus meligau wia ni sia, “Apa ung kapaazmu im wanguneng-Ku wia ni ko?” A mingkotla si tou letok itii, “Méster, ni aku ém paaz in toro milek.”

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Markus 6:22

In toro niitu, si raraha oki' ni Herodias nimuntepé a méhé i mahmanari. Si Herodes wo sé sakéina ém winangunnala i mahpaa-paaz. A si Herodes kumuala wia si raraha itii, “Ikuamomé apa uman ung kapaazmu, niitu én iwéhéku wia ni ko!”

Lukas 18:41

“Apa ung kapaazmu im wanguneng-Ku wia ni ko?” A si tou letok itii mingkotla, “Tuang, ni aku ém paaz in toro milek!”

Lukas 19:11

Karegaspé' sé tou mahtalinga an ipahkua ni Yesus, a Sia sumirita karia un aandéan pahpaan ni Sia é merétémoma u Yerusalem wo witu ung genang né tou ni séra é mamomilek ung Kakolanoan ni Opo Empung.

Lukas 22:24

Sé pahtuzu'en ni Yesus é mahéndo-éndoan tumoro séi si totoz ipahpuu-puuna im wia ni séra.

Yohanes 15:7

Sa kamu nimaesa karia-Ku wo a nuwu'-Ku ém witu un até niou, mahaléila apa uman ung kapaaz niou wia si Ama' wo ni kamu é makailek niitu.

Kisah Rasul-rasul 1:6

Karegas si Yesus karia né aatu-Na nimaréwok, a séra meligau wia ni Sia, “Tuang, apa in tarékan ni Ko paaz mahwawangun sumaup ung kakolanoan né tou Israel?”

Roma 12:10

Mengalé-ngaléi ni kamu é mahraa-raatéan tanu a mahtuari wo mahpuu-puunala i mahwéhé a sisigi'an.

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

Kolose 3:1

Niitumo, ni kamu sé méitoumé sumaup karia ni Kristus, mahtututu'la i menéro am witi kasendukan, witi tampa ni Kristus i rimumez witu ung kakan ni Opo Empung.