Matius 20:16 - Taaz Weru Witu u Nunuwu'en Tombulu

¹⁶ Ang kuan kasii ni Yesus, “Téntu kangkasii si tou ipahmuri-muri é maéndo ipahpuu-puuna wo si ipahpuu-puuna é maéndo ipahmuri-muri.”

Matius 20:16 Iomraidhean Croise

Matius 19:30

Taan lakez sé tou sé ipahpuu-puuna én ipahmuri-muri, wo sé ipahmuri-muri én ipahpuu-puuna.”

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

Matius 22:14

Pahpaan lakez sé tou tinawah, taan toyo' uman sé mapéléng.”

Matius 7:13

Ang kuan kasii ni Yesus, “Muntepa kumiita witu um pepenet pesut, pahpaan um pepenet loang wo u lalan lempaz é mangé witi naraka, wo lakez sé tou mahuntep mahkiita witu.

Markus 10:31

Taan lakez sé tou sé ipahpuu-puuna én ipahmuri-muri wo sé tou ipahmuri-muri én ipahpuu-puuna.”

Lukas 14:24

Pahpaan ikuakuma wia ni kamu, ‘Zéi'kan siapa im wia sé kinua itii sé mékuman a siniwo wia am péstaku.’ ”

Lukas 15:7

Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”

Lukas 7:47

Pahpaano niitu, ni Aku kumuama wia ni ko: A singkéla'na an totoz lakez ém pinakazéi'moma, pahpaan si wéwéné kenu é nimapailek u raraatéan un totoz wangko'. Taan sa a singkéla' ni tou én toyo' uman wo zéi'en a singkéla' toyo uman itii, ni sia kangkasii é nimapailek u raraatéanna én toyo' uman.”

Roma 5:20

Si Opo Empung niméhémé un ukum Torat wo kata'uala né tou ing kalakeznamo a singkéla' né tou. Taan zozo' ing kalakezna a singkéla', ung kamang méitambér-Na kangkasii éng kalakezna.

Roma 8:30

Péléng sé tinotoz-Namo rengané im puuna, ni séra sé tinawah-Na. Ni séra sé tinawah-Na, ni séra kangkasii sé niéndo-Na ulit. Sé niéndo-Na ulit, ni séra itiimo sé sigi'en wo loozen-Na.

Roma 9:30

Sa téntu, ung kalakoan niana péléng én téntii: Sé zéi'kan tou Yahudi zéi'kan mahtututu' i mahtata'u ung kapaaz ni Opo Empung, taan pahpaan ni séra ma'éman ni Sia, ni séra niéndo-Namo ulit.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.