Matius 2:9 - Taaz Weru Witu u Nunuwu'en Tombulu

⁹ Kaitalingamé u méikuamé ni kolano itii, a séra mangé. Kumompo'mé, si tototi'en si pina'ilek néramé im witi sendangan é mahpuunamo im wia ni séra, a mento'la witu ung katoroan ni Koki' itii.

Matius 2:9 Iomraidhean Croise

Matius 2:10

I nimileka si tototi'en itii, ni séra én totoz mahpaa-paaz.

Matius 2:2

Ni séra meligau wia sé tou witu, “Wisa si kolano né tou Yahudi si taré matoumé itii? Pahpaan niilek naimomé si tototi'en simerité witi sendangan si timuzu'mé ung kinatouan-Na wo ni kai niméyé i mémongkot wo sumigi' ni Sia.”

Matius 2:8

A séra iatunama i mangé witi Betlehem, kuana, “Mangémo, wo mapenéro nioula lumé'o-lé'os si Koki' itii, wo sa Sia kinailekan niouomé, ituzu'mé wia ni aku wo ni aku toro mamongkot wo masumigi' wia ni Sia.”

2 Petrus 1:19

Niitumo u nimangun ni kai totoz enté' i ma'éman witu u nuwu' méipahwoka'ma né nabi im puuna. A méipahtuzu'ma né nabi itii é léwo'zéi' im pahwéhan nioula genang tanu ni kamu i mahilek u solo mahsena' witu u rimbengbeng makaz si endo i sumerité wo si kaendoan i sumena' witu un até niou.