Matius 2:7 - Taaz Weru Witu u Nunuwu'en Tombulu

⁷ Kaitalingamé niitu, zéi'kan kata'uan né tou an tawahené ni Herodes sé tou tulap sé tototi'en itii, a mahtata'u lumé'o-lé'os sa ing kawisa an ileken néramé si tototi'en itii.

Matius 2:7 Iomraidhean Croise

Matius 2:1

Si Yesus i nimatoumé witi Betlehem tana' Yudea, in toro niitu si kolano é si Herodes. Wéwéhan sé woopira tou tulap sé tototi'en sé witi sendangan a méyé, méikaayoma witi Yerusalem.

Matius 2:16

I si kolano Herodes mata'ula i ni sia én tinowoanoma né tou tulap sé tototi'en itii, ni sia én totoz maupi'. An iatunama sé touna i mamunu' sé lowai witi Betlehem wo sé wana am wanua tua'na makaliklik witu. Sé lowai méipekiwunu'na é sé lowai zuana ta'un wo mawa'mé. Niitu é mengiit um pinahtata'unamé wia sé tou tulap sé tototi'en, i ni séra nimilek si tototi'en itii ing kataré-taré.

Matius 2:8

A séra iatunama i mangé witi Betlehem, kuana, “Mangémo, wo mapenéro nioula lumé'o-lé'os si Koki' itii, wo sa Sia kinailekan niouomé, ituzu'mé wia ni aku wo ni aku toro mamongkot wo masumigi' wia ni Sia.”

Kisah Rasul-rasul 24:22

Taan um pahzéi-zéi'an néra itii é méikana'la ni gubernur Feliks si totoz mata'u tumoro an tutuzu' ni Mahpiara, karia ing kimuala in téntii “Ni aku én tumotoz um pahzéi-zéi'an niou, sa wiamo si Lisias si tonaas né sana riwu suraro.”

Wahyu 12:15

A si naga itii mukama u sumahna a mondolé un zano, ung kalakezna én tanumokan un zano witu u so'so'an totoz tember, méisaruma wia si wéwéné itii i mahaayuz ni sia.