Matius 2:6 - Taaz Weru Witu u Nunuwu'en Tombulu

⁶ ‘Wo ni kamu in tou Betlehem witi tana' Yehuda, um wanua tua'na niou én zéi'kan ung kumori-kori' im wana am wanua tua'na witi Yehuda, pahpaan im wia ni kamu é méyé si maéndo tonaas, si matuméiz sé tou-Ku Israel.’ ”

Matius 2:6 Iomraidhean Croise

Matius 2:1

Si Yesus i nimatoumé witi Betlehem tana' Yudea, in toro niitu si kolano é si Herodes. Wéwéhan sé woopira tou tulap sé tototi'en sé witi sendangan a méyé, méikaayoma witi Yerusalem.

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Yohanes 21:16

Ang kuan kasii ni Yesus wia ni sia ing kazua, “Simon oki' ni Yohanes, apa ni ko rumaraaté ni Aku?” Wingkotela ni Petrus wia ni Sia, “Ulit Tuang, Kata'uan-Numo i ni aku é rumaraaté ni Ko.” Kuan ni Yesus wia ni sia, “Piarala sé domba-Ku.”

Yohanes 7:42

Im witu um Pinantik Lenas é méipantik i si Mesias é suzu ni Daud wo witi wanua Betlehem, um wanua ni Daud wo méyé.”

Efesus 1:22

Péléng am péléng ém winanguno ni Opo Empung ing kawasan ni Kristus wo nimayo si Kristus wia sé jamaat i maéndo tonaas néra.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

Ibrani 7:14

Pahpaan péléng sé tou é mata'umo i si Yesus Mahpiarata ém wia sé suzu ni Yehuda a méyé. Tumoro sé suzu ni Yehuda kenu, zéi'kan kawisa si Musa ing kimua im wéwéhan si maéndo walian im wia ni séra.

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 2:27

Wo ni sia i merénta ni séra én zéi'kan siapa ampungna, tanumokan merénta karia un teken uaséi. Ni séra éng kemun tanumokan ing kumemuma ung kuré' tana'. Ung kawasa itii é masuat wo ung kawasa ung kinailekang-Kumé im wia si Ama'-Ku.

Wahyu 7:17

Pahpaan si Anak ni Domba si rimumez witu un unez u rurumezan ni Kolano itii é mamiara ni séra wo mahwali ni séra i mamelep witi kembu'an u mahwéhémé ung katou-touan. Wo si Opo Empung é misu' péléng a lué' néra.”