Matius 2:2 - Taaz Weru Witu u Nunuwu'en Tombulu

² Ni séra meligau wia sé tou witu, “Wisa si kolano né tou Yahudi si taré matoumé itii? Pahpaan niilek naimomé si tototi'en simerité witi sendangan si timuzu'mé ung kinatouan-Na wo ni kai niméyé i mémongkot wo sumigi' ni Sia.”

Matius 2:2 Iomraidhean Croise

Matius 2:3

Si kolano Herodes wo sé tou witi Yerusalem é mengompo' in timalingamé niitu.

Matius 21:5

“Ikuamola wia sé tou witi Sion: Ilekena, si Kolano niou é mahéyémo wia ni kamu. Ni Sia én eluz uman wo simaké wia si keledai, si anak ni keledai peranggangpé'.”

Matius 27:11

A si Yesus isaru nérala wia si gubernur Pilatus. Si gubernur itii é meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Lukas 19:38

Kuan néra, “Loozen ni Sia si méyé ing Kolano karia u ngaran ni Opo Empung, in tarékan sé tou mahlé'o-lé'osano karia ni Opo Empung witi kasendukan, u sigi' wo u looz witi tampa totoz rakék!”

Lukas 2:11

Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Lukas 23:3

A si Pilatus meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Lukas 23:38

Witu un atas un ulu-Na kasii ém pinantikan: “Si kenumo si Kolano né tou Yahudi”.

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 12:13

ni séra mahéndomé an zani'na am palem a masumungkul ni Sia, karia i mahkérét, “Hosana! Loozela ni Sia si niméyé karia u ngaran ni Opo Empung, si Kolano né Israel!”

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 19:19

Si Pilatus nimatuma i méhéma witu un atas u salip ni Yesus um papang pinantikan: “Yesus tou Nazaret, Kolano né tou Yahudi”.

Yohanes 20:28

A si Tomas mingkotla wia ni Sia, “O Tuang wo Opo Empungku!”

Yohanes 5:23

Niitu ém winangun ni Ama' wo péléng sé tou é mahsigi' si Oki' tanu ni séra i mahsigi' si Ama'. Si tou zéi'kan mahsigi' si Oki', ni sia kangkasii én zéi'kan mahsigi' si Ama' si nimatumé si Oki'.

Yohanes 9:38

Kuana, “Ni aku é ma'éman, Tuang!” A sia sumigi' karia ing kimuruzla ung gio makaz witu un tana' witu u sinaru ni Yesus.

Ibrani 1:6

Wo kasii, i si Opo Empung nimatumé si Oki'-Na si wiamo puunala péléng am péléng im winangun, ni Sia éng kimua, “Péléng sé malaekat ni Opo Empung é léwo'zéi' i mongkot wo sumigi' wia ni Sia.”

Wahyu 22:16

Kuan ni Yesus, “Ni Aku, Yesus, nimatumoma si malaekat-Ku i makumua a niilek wo tinalingana tumoro niia péléng wia ni kamu, wo ikua nioula wia sé jamaat. Ni Akumo u suzu, si suzu ni Daud, tototi'en kaendoan, si mahserité totoz sena'.”