Matius 2:16 - Taaz Weru Witu u Nunuwu'en Tombulu

¹⁶ I si kolano Herodes mata'ula i ni sia én tinowoanoma né tou tulap sé tototi'en itii, ni sia én totoz maupi'. An iatunama sé touna i mamunu' sé lowai witi Betlehem wo sé wana am wanua tua'na makaliklik witu. Sé lowai méipekiwunu'na é sé lowai zuana ta'un wo mawa'mé. Niitu é mengiit um pinahtata'unamé wia sé tou tulap sé tototi'en, i ni séra nimilek si tototi'en itii ing kataré-taré.

Matius 2:16 Iomraidhean Croise

Matius 2:1

Si Yesus i nimatoumé witi Betlehem tana' Yudea, in toro niitu si kolano é si Herodes. Wéwéhan sé woopira tou tulap sé tototi'en sé witi sendangan a méyé, méikaayoma witi Yerusalem.

Matius 2:17

Karia in téntu, nimalekepola u nuwu' ni Opo Empung mengiité si nabi Yeremia,

Matius 2:7

Kaitalingamé niitu, zéi'kan kata'uan né tou an tawahené ni Herodes sé tou tulap sé tototi'en itii, a mahtata'u lumé'o-lé'os sa ing kawisa an ileken néramé si tototi'en itii.

Wahyu 12:4

Wo un ipusna é mahkéhongé sana pahtelu né tototi'en witi langit, an ilombo'nama sé tototi'en itii witi kaayahan. Si naga tua'na itii é rimendai witu u sinaru ni wéwéné si mahento-ento'mokan in tumoumé si oki'na, i sumo'kep wo luma'meza si itoumé ni wéwéné itii.

Wahyu 17:6

Ilekengkuma si wéwéné itii én teweleno pahpaan nimelep an zaha' né tou ni Opo Empung wo an zaha' né tou sé mahkua a niilek wo tinalinga néra tumoro si Yesus. Ni aku i nimileka si wéwéné itii én totoz mengusi-ngusingsing.