Matius 2:13 - Taaz Weru Witu u Nunuwu'en Tombulu

¹³ I sé tou tulap sé tototi'en timula'umomé un tampa itii, si malaekat ni Opo Empung nimapaipima wia si Yusuf, ang kumuama, “Tumoozomé, ipahwalima si Koki' itii karia ni ina'-Na wo tumingkasoma mangé witi Mesir. Mento'pé'la wana makaz ni Aku kumuama wia ni ko sa toromo mawurimé, pahpaan si Koki' itii ém pahpenéron ni Herodes im wunu'en.”

Matius 2:13 Iomraidhean Croise

Matius 1:20

Taan i si Yusuf megena-genangpé' niitu, a méyé si malaekat ni Opo Empung witu un ipina, ang kumuama, “Yusuf, suzu ni Daud, tia'mo ko maindé' i méndo si Maria maéndo mahayomu, pahpaan si koki' pahawa-awakenna ém wia si Roh Lenas a méyé.

Matius 10:23

Sa kamu pahzézéhan néra witi wanua tua'na esa, tumingkasoma witi wanua tua'na walina. Pahpaan uli-ulit ikua-Kuma wia ni kamu: Puunala péléng am wanua tua'na witi Israel pakaangéan nioué, si Oki' ni Tou é niméyémo sumaup.

Matius 2:12

Pahpaan witu un ipi, si Opo Empung nimapata'umo wia sé tou tulap sé tototi'en itii in tia'mo mawuri sumaup wia si Herodes, a séra mawurima witi tana' néra kimiita u lalan walina.

Matius 2:14

Si Yusuf mawongkémé, im wengikan itii an ipahwalinama si Koki' itii wo si ina'-Na, timingkasa witi Mesir,

Matius 2:16

I si kolano Herodes mata'ula i ni sia én tinowoanoma né tou tulap sé tototi'en itii, ni sia én totoz maupi'. An iatunama sé touna i mamunu' sé lowai witi Betlehem wo sé wana am wanua tua'na makaliklik witu. Sé lowai méipekiwunu'na é sé lowai zuana ta'un wo mawa'mé. Niitu é mengiit um pinahtata'unamé wia sé tou tulap sé tototi'en, i ni séra nimilek si tototi'en itii ing kataré-taré.

Matius 2:22

Taan ing kinata'uanla ni Yusuf sa si Arkhelaus oki' ni Herodes si nimaéndola kolano witi Yudea simawela si ama'na, si Yusuf é maindé'kan i mawuri wana. Pahpaan witu un ipina, ni sia ém pinapata'uan ni Opo Empung, a sia mangé witi tana' Galilea.

Kisah Rasul-rasul 10:22

A séra mingkotla, “Si Kornelius si tonaas né sana atus suraro Romawi, si ulit wo maindé' si Opo Empung wo kata'uan né tou i lé'os uman wia péléng sé tou Yahudi én tinuzu'anomé ni malaekat lenas in tumawah ni ko i mangé witi waléna, wo tumalinga an ikuamu wia ni sia.”

Kisah Rasul-rasul 10:7

I si malaekat si nimuwu'ma wia si Kornelius timula'umoma ni sia, an tawahenamé sé zua pahayoanna wo si suraro si mahtali-talinga wia si Opo Empung si sekezé memali-mali kariana.

Kisah Rasul-rasul 12:11

I si Petrus nimata'umomé tou, ang kuana, “In tarékan én uli-ulit kata'uangku i si Opo Empung é nimatumé si malaekat-Na i mémilot ni aku im witu u lengen ni kolano Herodes wo kangkasii im wana a léwo'an am pegena-genangen né tou Yahudi.”

Kisah Rasul-rasul 12:7

Kumompo'mé si malaekat ni Opo Empung é rimendaio witu u rété ni Petrus, wo u sena' é mahsena'mé im witu un untep um bui itii. A si Petrus sepé'ela ni malaekat i mongké ni sia ang kuana, “Mahrewekola in tumoozé!” A mawuswusa u ranté méiapus u lengen ni Petrus itii.

Kisah Rasul-rasul 16:36

A si tonaas itii kumua wia si Paulus u méikuamé itii, in téntii, “Sé mahkawasa um wanua tua'na kenu é nimatumé i milot ni kamu zua. Niitumo in tarékan, ni kamu é mondoloma im wia'i wo mile-ilek im witi lalan!”

Kisah Rasul-rasul 5:19

Taan im wengikan itii, si malaekat ni Opo Empung é niméyé a mukama am pepenet um bui, an iondolnamé séra im witu karia i mahkua,

Kisah Rasul-rasul 7:19

Si kolano itii é nimahtowo wo nimahzézéhamé sé nimaopota. Ni sia kasii é nimatu sé nimaopota in tumia' sé koki' néra sé taré nimatoumé wo séra maté.

Wahyu 12:14

Taan si wéwéné itii ém winéhan un zua tétéwél ni kiokiok tua'na, wo sia toro tuméwél mangé witi tampana witi kapelasan, un tampa kinelungan ni sia um wa'katé im wia si naga itii, ung kauréna én teluna ta'un wo enemna loloho'en.

Wahyu 12:4

Wo un ipusna é mahkéhongé sana pahtelu né tototi'en witi langit, an ilombo'nama sé tototi'en itii witi kaayahan. Si naga tua'na itii é rimendai witu u sinaru ni wéwéné si mahento-ento'mokan in tumoumé si oki'na, i sumo'kep wo luma'meza si itoumé ni wéwéné itii.

Wahyu 12:6

A si wéwéné itii tumingkasa witi kapelasan, un tampa niimeko ni Opo Empung in éyéanna. Im witu ni sia éng kelungan, ung kauréna é sana riwu wo zuana atus wo enemna pulu' endo.