Matius 2:12 - Taaz Weru Witu u Nunuwu'en Tombulu

¹² Pahpaan witu un ipi, si Opo Empung nimapata'umo wia sé tou tulap sé tototi'en itii in tia'mo mawuri sumaup wia si Herodes, a séra mawurima witi tana' néra kimiita u lalan walina.

Matius 2:12 Iomraidhean Croise

Matius 1:20

Taan i si Yusuf megena-genangpé' niitu, a méyé si malaekat ni Opo Empung witu un ipina, ang kumuama, “Yusuf, suzu ni Daud, tia'mo ko maindé' i méndo si Maria maéndo mahayomu, pahpaan si koki' pahawa-awakenna ém wia si Roh Lenas a méyé.

Matius 2:13

I sé tou tulap sé tototi'en timula'umomé un tampa itii, si malaekat ni Opo Empung nimapaipima wia si Yusuf, ang kumuama, “Tumoozomé, ipahwalima si Koki' itii karia ni ina'-Na wo tumingkasoma mangé witi Mesir. Mento'pé'la wana makaz ni Aku kumuama wia ni ko sa toromo mawurimé, pahpaan si Koki' itii ém pahpenéron ni Herodes im wunu'en.”

Matius 2:19

I si Herodes nimatémoma, a si malaekat ni Opo Empung nimapailek un touna witu un ipi ni Yusuf, witi Mesir.

Matius 2:22

Taan ing kinata'uanla ni Yusuf sa si Arkhelaus oki' ni Herodes si nimaéndola kolano witi Yudea simawela si ama'na, si Yusuf é maindé'kan i mawuri wana. Pahpaan witu un ipina, ni sia ém pinapata'uan ni Opo Empung, a sia mangé witi tana' Galilea.

Matius 27:19

Karegaspé' si Pilatus rimumez witu u rurumezan pahtotozan ulit kaapa zéi'kan am pahwangunen né tou, a si mahayona matumé tou i mékumua wia ni sia in téntii, “Ni ko én tia'mo mahkari-karia sé tou sé mahtoké si tou ulit itii. Pahpaan ni aku én totoz zézéha i nima'ipila si tou itii ing kawengi.”

Lukas 2:26

Mémoikua ni Roh Lenas wia ni sia i ni sia én zéi'kampé' maté sa zéi'kampé' nimilek si Mesias, si Kolano milot sé tou, si méitaaz ni Opo Empung.

Kisah Rasul-rasul 10:22

A séra mingkotla, “Si Kornelius si tonaas né sana atus suraro Romawi, si ulit wo maindé' si Opo Empung wo kata'uan né tou i lé'os uman wia péléng sé tou Yahudi én tinuzu'anomé ni malaekat lenas in tumawah ni ko i mangé witi waléna, wo tumalinga an ikuamu wia ni sia.”

Kisah Rasul-rasul 4:19

Taan si Petrus wo si Yohanes é nimingkotla in téntii, “Totozen niouola in esa wisa un ulit im witu u sinaru ni Opo Empung: mahtali-talinga wia ni kamu kaapa mahtali-talinga wia si Opo Empung.

Kisah Rasul-rasul 5:29

A mingkotla si Petrus wo sé aatu walina, “Ni kita é léwo'zéi' mahtali-talinga wia si Opo Empung, zéi'kan wia si tou.

1 Korintus 3:19

Pahpaan ung katulapan wia ung kaayahan éng kalemouan im wia si Opo Empung. Witu um Pinantik Lenas é méipantik téntii, “Ung katulapan né tou tulap ém wangunen ni Opo Empung i maéndo wetes wia sé tou tulap itii.”

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

Ibrani 8:5

Ni séra é mahpaayang witi Walé ni Opo Empung un totoz masuat karia um Walé ni Opo Empung witi kasendukan. Niitu én totoz masuat karia u méikua ni Opo Empung wia si Musa puunala sia i nimangun un ténda ni Opo Empung. Si Opo Empung éng kimua wia si Musa, “Gena-genangen! Ni ko é léwo'zéi' mangun niitu péléng mengiit ung kékéréan u mémoipapailek-Ku wia ni ko im witi kentur itii.”