Matius 19:9 - Taaz Weru Witu u Nunuwu'en Tombulu

⁹ Taan ikua-Kuma wia ni kamu: Séi uman si tuama tuma'sala si mahayona, taan si mahayona zéi'kan simamek, a si tuama itii kumawéngla karia ni wéwéné walina, si tuama itii é simamek.”

Matius 19:9 Iomraidhean Croise

Matius 19:10

Ang kuan né pahtuzu'en-Na wia ni Sia, “Sa téntu u mahmuali witu um pahile-ilekan né sana séndé', tawimo in tia'mo kumawéng.”

Matius 19:8

Ang kuan ni Yesus wia ni séra, “Pahpaan ung kaketéhan un até niou makaz si Musa niméné wia ni kamu in tuma'sa si mahayomu. Taan un ulitna rengané ing kataré-taré un téntu én zéi'kan niénéan ni Opo Empung.

Matius 5:32

Taan ikua-Kuma wia ni kamu: Séi uman si tuama tuma'sala si mahayona, taan si mahayona zéi'kan simamek, si mahayona itii ém winangunnamola i mahsamek. Wo séi si kumawéngla si wéwéné tina'sala itii, ni sia kangkasii é mahsamek.”

Lukas 16:18

Ang kuan ni Yesus kasii, “Séi uman si tuma'sala si wéwéné mahayona ang kumawéngla sumaup karia ni wéwéné walina, si tuama itii é mahsamek. Wo séi uman si tuama kumawéngla si wéwéné méita'sala ni mahayona, si tuama itii kangkasii é mahsamek.”

1 Korintus 5:1

Wéwéhan sé tou mahkua, im wia ni kamu in jamaat ém wéwéhan si mahsamek karia ni mahayo ni ama'na si zéi'kan totoz ina'na. An téntu én zéi'kan mahmuali zozo'pé' im wia sé tou sé zéi'kampé' mata'u si Opo Empung.

1 Korintus 7:39

Si wéwéné kimawéngo én anu ni mahayona sa si mahayona menou-noupé'. Sa si mahayona nimatémoma, si wéwéné itii én zéi'mo anu ni mahayona. Sa si wéwéné zéi'mo siapa mahayo itii paaz kumawéng, ni sia én toro kumaweng karia ni kapaazna, asal uman si tuama itii é ma'éman.

1 Korintus 7:4

Si wéwéné kinawéngo, un awakna én zéi'mo anuna in esa taan anumo ni mahayona, téntu kangkasii si tuama kimawéngo un awakna én zéi'mo anuna taan anumo ni mahayona.